Футбол бўйича Германия чемпионатининг 9-туридан ўрин олган ўйинлар 23 октябрь, шанба куни бўлиб ўтди.
«Бавария» ўз майдонида «Ҳоффенҳайм»ни қабул қилиб, жавобсиз 4 та гол урди. Мюнхенликларнинг голларига Серж Гнабри, Роберт Левандовски, Эрик Шупо-Мотинг ва Кингли Коман муаллифлик қилди.
«Боруссия Д» эса сафарда Эмре Жан, Мац Ҳуммелс ва Жуд Беллингҳемнинг голлари эвазига «Арминия»дан устун келди.
Мазкур учрашувни дортмундликлар ҳужумчиси Эрлинг Ҳоланд жароҳати сабаб ўтказиб юборди.
Ғалабадан кейин «Боруссия Д» 21 очко билан 2-ўринга кўтарилди. «Бавария» эса 22 очко билан пешқадамлик қилмоқда.
Бундеслига
9-тур баҳслари
23 октябрь, шанба
«Бавария» – «Ҳоффенҳайм» 4:0
Голлар: 1:0 – 16 Гнабри, 2:0 – 30 Левандовски, 3:0 – 82 Шупо-Мотинг, 4:0 – 87 Коман.«Бавария» – Нойер, Павар, Эрнандес (Зюле, 46), Упамекано, Ричардс, Забитцер (Толиссо, 76), Киммих, Мусиала (Коман, 70), Мюллер (Шупо-Мотинг, 65), Левандовски, Гнабри (Сане, 76).
«Ҳоффенҳайм» – Бауманн, Акпогума (Рюттер, 27), Пош, Гриллич, Ричардс, Раум, Гайгер (Штиллер, 83), Самассеку (Руди, 58), Крамарич, Бебу (Адамян, 83), Бруун Ларсен (Сков, 58).
Огоҳлантиришлар: Самассеку (10), Руди (60), Раум (74), Гриллич (90).
«Арминия» – «Боруссия Д» 1:3
Голлар: 0:1 – 31, пенальти Жан, 0:2 – 45 Ҳуммелс, 0:3 – 72 Беллингҳем, 1:3 – 87, пенальти Клос.«Арминия» – Ортега, Нилссон, Брюннер (Рамуш, 46), Пипер, Барретт-Лаурсен (Чиборра, 74), Фернандеш (Виммер, 64), Притл, Шопф, Кунсе, Ҳак (Крюгер, 74), Зерра (Клос, 46).
«Боруссия Д» – Кобел (Ҳиц, 46), Ҳуммелс (Мелоуни, 88), Аканжи, Pongрачич, Вольф, Азар, Жан (Витцель, 76), Брандт (Рейнер, 76), Беллингҳем, Ройс, Мален (Тиггес, 66).
Огоҳлантиришлар: Кунсе (83).
Изоҳ (0)