Самарқанд вилояти Пайариқ туманида маст ҳолатда касалхонада шифокор билан тортишиб, ҳуқуқбузарлик қилган шахс ҳақида хабар берилганди. Самарқанд вилоят ИИБ ахборот хизматининг «Дарё»га маълум қилишича, ушбу фуқаро 15 суткага қамалган.
Фото: Самарқанд вилоят ИИБ ахборот хизмати
Маълум қилинишича, 2021 йил 19 октябрь куни Пайариқ тумани «Истиқлол» маҳалласида яшовчи 1993 йилда туғилган Д.Э. туман марказий шифохонасига маст ҳолатда келиб, шу ерда даволанаётган беморлар ҳамда хизмат вазифасини бажараётган шифокорларнинг тинчлигини бузиб, шовқин кўтарган.
Шифокор У.Х. уни тинчлантириб тартибга чақирганда, Д.Э. унинг эгнидаги кийимидан тортиб, жамиятда ўрнатилган юриш-туриш қоидасини қасддан менсимаган ҳолда хатти-ҳаракатлар содир этган.
Қайд этилишича, ҳолат юзасидан туман ИИБ томонидан терговга қадар текширув олиб борилиб, тўпланган ҳужжатлар Пайариқ тумани жиноят ишлари бўйича судига тақдим қилинган.
2021 йил 21 октябрь Пайариқ тумани жиноят ишлари бўйича суди томонидан фуқаро Э.Д. Маъмурий жавобгарлик тўғрисидаги кодекснинг 183-моддасига (майда безорилик) асосан айбли топилиб, 15 сутка маъмурий қамоқ жазоси тайинланган.
Мавзуга доир:
- Сурхондарёда қизини текширган суд-экспертиза ходимини ҳақоратлаб, ҳокимият вакилига қаршилик кўрсатган шахс 10 суткага қамалди
- Самарқандда газ йўқлиги сабаб норозилик билдириб, йўлни тўсган фуқароларнинг икки нафари 5 суткага қамалди, 11 нафарига жарима тайинланди
- Самарқандда маст ҳолатда бегона қизга шилқимлик қилган эркак 15 суткага қамалди
