Вазирлар Маҳкамаси автохўжалиги 2021 йилда 5,5 млрд сўмлик автомобиль харид қилди

Ўзбекистон Вазирлар Маҳкамаси ижро аппарати хўжалик фаолияти бошқармаси автохўжалиги томонидан 2021 йилда 5,5 миллиард сўмдан ортиқ маҳаллий автомобилларни харид қилиш бўйича шартномалар имзоланган. Бу ҳақда Давлат харидлари порталидаги маълумотларга таяниб, Telegram’даги «Давлетовуз» канали хабар берди.

Маълум қилинишича, 2021 йилнинг ўтган даври мобайнида ҳукумат бошқармаси томонидан 1 миллиард 107 миллион сўмга 3 та Malibu 2 ҳамда 596 миллион сўмга битта Traverse автомобили харид қилинган. Шунингдек:

• 1 та Lacetti-Comfort Plus — 115 миллион 607 минг сўм;
• 1 та Isuzu автомобили — 399 миллион 500 минг сўм;
• 1 та Malibu 2 — 369 миллион сўм;
• 19 та Lacetti-Comfort Plus — 2 миллиард 196 миллион 533 минг сўм;
• 1 та Lacetti-Comfort Plus— 115 миллион 607 минг сўм;
• 1 та Damas-2 — 78 миллион283 минг сўм;
• 1 та Malibu 2 — 369 миллион сўм;
• 1 та Lacetti-Comfort Plus — 115 миллион 607 минг сўм;
• 1 та Lacetti-Comfort Plus — 115 миллион 607 минг сўм автомобиллари сотиб олинган.

Бундан ташқари, Мирзачўл тумани ҳокимлиги 370 миллион сўмга Trailblazer, Қашқадарё вилояти ҳокимлиги ҳоким ўринбосарига 349 миллион сўмга Equinox, ҳокимнинг хотин-қизлар масалалари бўйича маслаҳатчисига, ёрдамчиси ҳамда ички ишлар бошқармаси бошлиғига 621 миллион сўмга 3 та Tracker хизмат машиналари сотиб олган.