Россия Рақамли ривожланиш, алоқа ва оммавий коммуникациялар вазирлиги 2022 йил охиригача «Давлат хизматлари» порталида 14 ёшгача болалар учун рўйхатдан ўтиш имкониятини киритишни режалаштирмоқда. Бу ҳақда вазирлик раҳбари Максут Шадаев маълум қилди, деб ёзади Meduza.
Шадаев бундай имконият зарурлигини айни пайтда болаларга мўлжалланган жуда кўп сервислар борлиги билан изоҳлади, хусусан, электрон кундалик, рақамли контентдан фойдаланиш имконияти ва бошқалар.
Айни пайтда Россияда 14 ёшгача бўлган болалар фақат соддалаштирилган аккаунт очиши мумкин, у ота-онасидан бирининг аккаунтига боғланган бўлади. Тўлақонли ҳисобни эса вояга етиб паспорт олган шахсларгина оча олади.
Шунингдек, Россияда 2022 йилда «Давлат хизматлари» порталида «Меҳнат миграцияси онлайн» сервиси ҳам ишга туширилади, у бўш иш ўринларини қидириш ва онлайн суҳбатдан ўтишга мўлжалланган.
Изоҳ (0)