Наманган вилоятининг Тўрақўрғон туманидаги уйларнинг бирида сув қувури носозлиги сабаб сув тошди. Ҳолат акс этган видео ижтимоий тармоқларда тарқалди.
Вилоят ФВБ матбуот хизматининг маълум қилишича, воқеа 6 октябрь куни Тўрақўрғон тумани, Чуст кўчасидаги уйларнинг бирида юз берган. Фавқулодда вазиятлар бўлимига сув тошаётгани ҳақида соат 18:23 да келиб тушган хабарга кўра соат 18:38 да Тўрақўрғон туман фавқулодда вазиятлар бўлими воқеа жойига етиб борган.
Сув қувури носозлиги орқали чиқаётган сув тўхтатилиб, хонадонда тўпланиб қолган сув ёнғин-қутқарув автомашинаси орқали тортилиб, ёнғин қутқарувчилар томонидан тозалов ишларини амалга оширилиб хонадон эгаларига амалий ёрдам берилган.
Изоҳ (0)