Сирдарёда ўз фарзандини сотаётган она ушланди, дея хабар қилмоқда вилоят ИИБ ахборот хизмати.
Сирдарё вилояти ИИБ ЖҚБ ҳамда ТЕҚКБ Одам савдоси ва ноқонуний миграцияга қарши курашиш бўлими ходимлари томонидан Гулистон шаҳар ҳудудида тадбир ўтказилган. Унда Қашқадарё вилояти Яккабоғ туманида яшовчи фуқаро Б.С ўзининг 2021 йил 8 октябрь куни туғилган фарзандини 5 000 АҚШ доллари эвазига сотаётган вақтда ушланди ва ундан кимёвий ишлов берилган пуллар далилий ашё сифатида олинган.
Фуқаро Б.С.нинг вояга етмаган фарзанди Сирдарё вилоятидаги болалар уйига топширилган. Ҳозирда мазкур ҳолат юзасидан тергов ҳаракатлари олиб борилмоқда.
Изоҳ (0)