Mobiuz тижорат ҳамкорларининг республика бўйича савдо шохобчалари сони 1900 дан ошди.
Mobiuz мобил алоқа оператори амалдаги ва янги абонентларга иложи борича яқин масофада бўлишга интилади. Зеро рақамни улаш ёки тиклаш, SIM картани алмаштириш ва бошқа хизматлар абонентларнинг бевосита иштирокини талаб қилади. Бундан ташқари, маълум хизматларни масофадан туриб олишдан кўра, офисларга бевосита мурожаат қилишни афзал кўрадиганлар кўп.
Бу масалаларни ҳал қилишда Mobiuz тижорат ҳамкорлари — кичик ва ўрта бизнес вакилларига таянади. Улар аҳолига мобил алоқа хизматларини кўрсатади, ёрдам ва маслаҳатлар беради, Mobiuz’нинг барча ҳудудларга кириб боришида иштирок этади.
Mobiuz ҳамкорлари фаолияти учун зарур шарт-шароит ва имкониятларни яратиб келмоқда, шу жумладан, савдо шохобчаларини очиш учун ҳужжатлар тўпламига минимал талаблар қўйилган, мослашувчан бонуслар тизими амал қилади ва бошқалар. Масалан, ҳамкорлар рақамлар уланганлиги, турли хил хизматлар тўпламлари фаоллаштирганлиги, эксклюзив ва ундан юқори тоифадаги савдо шохобчаларини очганлиги ва ҳоказолар учун Mobiuz уларни рағбатлантиради. Янги савдо шохобчасини рўйхатдан ўтказишда тижорат вакили компаниядан реклама ускуналарини олиш имкониятига эга.
Ҳамкорлик доирасида тижорат вакиллари Mobiuz мобил алоқа хизматларини кўрсатиш бўйича малака ва кўникмаларини доимий равишда ошириб борадилар. Бунинг натижасида тадбиркорлар Mobiuz билан ҳамкорлик қилиш, янги савдо шохобчаларини очиш, даромадларни кўпайтириш, шунингдек, аҳолини янги иш ўринлари билан таъминлашдан манфаатдор. Хусусан, жорий йилнинг 9 ойида Mobiuz компаниясининг тижорат ҳамкорлари сони 119 тага, савдо шохобчалари сони эса 179 тага кўпайди.
Mobiuz билан тижорий ҳамкорликнинг афзаллиги шундаки, ҳатто ўз фаолиятини энди бошлаётган тадбиркорлар ҳам муваффақиятга эриша оладилар. Бунинг учун тадбиркорлар ҳаракатчан, ўз ишига фидоий бўлиши, бизнес салоҳиятини максимал даражада кўрсата олиши керак.
Мобил алоқа операторининг тижорий ҳамкори бўлиш учун Mobiuz веб-сайтидаги фойдали маълумотлар билан танишиб чиқиш керак бўлади.
Веб-сайт: https://company.mobi.uz/uz/partners/documents/17649/
Реклама ҳуқуқи асосида.
Изоҳ (0)