Бугун,

  • USD 10940.05
  • RUB 182.26
  • EUR 11121.65

ФВВ Самарқанд вилояти Каттақўрғон шаҳрида юз берган ҳаво-газ аралашмаси чақнаши юзасидан маълумот берди.

Фото: Zarnews

Фото: Zarnews

Маълум қилинишича, 8 октябрь куни соат 04:50 да шаҳарнинг «Кўҳнадам» МФЙ Тошкент кўчасида жойлашган уйларнинг бирида ҳаво-газ аралашмасининг чақнаши содир бўлгани тўғрисида Каттақўрғон шаҳар ФВБга хабар келиб тушган.

Шунга кўра, 2 та ёнғин-қутқарув гуруҳи соат 04:55 да ҳодиса жойига етиб борган. Ҳаво-газ аралашмасининг чақнашидан ушбу хонадонга меҳмон бўлиб келган 39 ёшли А.А. (эркак киши) куйиш тан жароҳати олиб, Каттакўрғон шаҳар тиббиёт бирлашмасига юборилган. Шифокорлар томонидан А.А.нинг  юзи, бўйни кўкрак олди, иккала қўл соҳаси термик куйиш ташхиси қўйилган ва умумий куйиш сатҳи 50 фоиз тан жароҳати олгани маълум қилинган.

Фото: Zarnews

Фото: Zarnews

Хонадонга яқин ер остидан ўтган табиий газ қувуридан сизиб чиққан газнинг уйда тўплангани кўнгилсиз ҳодисанинг тахминий сабаби сифатида кўрсатилмоқда.

Ҳодиса жойига ФВБ, ИИБ, ССБ ва бошқа тегишли идораларнинг куч ҳамда воситалари жалб қилиниб, вазият оқибатларини бартараф этиш бўйича ишлар олиб борилган. Ҳозирда ҳолат юзасидан суриштирув ишлари олиб борилмоқда.

Аввалроқ Чилонзордаги кўп қаватли уйларнинг бирида газ портлагани, Сергелидаги омборхоналардан бирида газ портлаши оқибатида бир киши ҳалок бўлгани тўғрисида хабар берилганди.

Изоҳ
Асосий янгиликлар