Angrenda ko‘p qavatli uyning tom qismida yong‘in chiqdi (video)

Toshkent viloyati Angren shahrida joylashgan ko‘p qavatli uylardan birining tom qismida yong‘in sodir bo‘ldi, deb xabar beradi FVV matbuot xizmati.

Ma’lum qilinishicha, 28-sentabr kuni soat 12:42 da viloyat Favqulodda vaziyatlar boshqarmasiga Angren shahar 4-dahada joylashgan to‘rt qavatli 11-uyning tom qismida yong‘in sodir bo‘layotgani to‘g‘risida xabar kelib tushgan.

Xabarga ko‘ra, 7 ta yong‘in-qutqaruv ekipaji, 1 ta avtonarvon texnikasi soat 12:48 da voqea joyiga yetib borgan va yong‘in soat 13:30 da bartaraf etilgan. Yong‘in oqibatida uyning taxminan 200-250 kvadrat metr maydondagi tom qismi yonib zararlangan.

Hodisa oqibatida halok bo‘lgan va jabrlanganlar yo‘q. Hozirda yong‘in sababi va zarar miqdori aniqlanmoqda.

Avvalroq Farg‘onadagi paxta qabul qilish punktida yong‘in sodir bo‘lgani, Toshkent viloyatida bir-biriga qo‘shni ikki uyda yong‘in chiqqani, Toshkentdagi “Milliy taomlar” oshxonasiga mo‘ljallangan binoda yong‘in chiqqani to‘g‘risida xabarlar berilgandi. Mavzuga doir:

• Samarqanddagi ikki qavatli savdo markazida yong‘in kelib chiqdi
• Nukusda bir-biriga tutash to‘rtta xonadonda yong‘in sodir bo‘ldi