TENAA Хитой регуляторининг маълумотлар базаси Xiaomi 4К сифатни қўллаб-қувватлайдиган эгилган OLED-дисплейли қурилма устида иш олиб бораётганини маълум қилди. Қурилма ҳозирда Хитой бозори учун тақдим этилган Xiaomi Civi’га жуда ўхшаш, деб хабар беради Hi-Tech.Mail.ru.
Фото: Gizmochina
4К сифатни қўллаб-қувватлайдиган дисплейга эга смартфонлар анчадан буён мавжуд. Биринчи бор унга Xperia Z5 Premium қурилмаси эга бўланганди — Sony’нинг 5,5 дюймли экрани. У 2015 йилда тақдим этилган.
Айримлар 4К сифатга шубҳа билан қарайди ва буни тушуниш мумкин: 4К дисплейларидаги пикселларнинг ақл бовар қилмас даражадаги зичлиги машҳур QHD билан таққослаганда у қадар сезиларли эмас. 4К дисплейи, шунингдек, энергия кўп сарфлаши билан машҳур. Ҳозирда стандартга айланиб бораётган 120 герцли янгиланишлар частотасида 4К панел батареядан кўпроқ энергия сарфлайди.
Нима бўлганда ҳам Xiaomi томонидан яқин кунларда тақдим этилиши керак бўлган смартгонга 6,55 дюймли 4К (3840х2160) OLED-дисплей ўрнатилган. Афтидан, олд томонидан камера учун ҳеч қандай қирқим йўқдек, аммо бу эълон қилинган сурат яхши ёритилмагани сабаб юзага келган.
TENAA регулятори базасида эълон қилинган яна бир ҳайратланарли функция — «кўзнинг рангдор пардасини таниш». Жорий этиладиган янгилик сабаб Xiaomi кўзнинг рангдор қобиғи сканерига эга бўлади. Ушбу биометрик технология 2017 йилда Samsung Galaxy S8 билан тақдим этилганди, аммо смартфонлар у қадар оммалашмади.
Манбанинг ёзишича, янги модель сиғими 4500 мА/соатга тенг аккумулятор, 16 гигабайт тезкор ва 512 гигабайт тезкор хотирага эга бўлади. Ўлчамлари эса Xiaomi Civi’ники билан деярли бир хил — 158,34 х 71,5 х 6,98 миллиметр, оғирлиги — 166 грамм.
Аввалроқ Xiaomi 11Т ва 11T Pro флагманлари ҳамда энг енгил 5G смартфонини намойиш этгани тўғрисида хабар берилганди.
