Халқаро рақамли университет талабаларида иккита йўл бор — миллион долларлик Start-Up’га асос солиш ёки ўқишни битириб, Британия дипломи билан дунё IT компанияларида 3 000 долларлик ишларга жойлашиш. Сиз қайси бирини танлаган бўлар эдингиз?
Муваффақиятли бўламан десангиз университет ва бўлажак касбни танлашда, кўнглизга яқин, сиз учун қизиқарли бўлган соҳаларни танлашингиз лозим. Ҳозирги тез ўзгарувчан дунёда мутахассис сифатида сизга талаб катта бўлиши учун замон билан ҳамнафас юришингиз керак. Бу борада бугунги кунда қадр-қиммати энг катта касблар ахборот билан ишлайдиган IT мутахассисликларидир.
International Digital University’да сиз нафақат энг замонавий касбларни эгаллашингиз, балки янги маҳорат қирраларингизни очишингиз, қийинчиликлардан қўрқмаслик ва мақсадларга, албатта, эришишни ўрганишингиз мумкин. Университет ўз талабаларига 600 000 АҚШ доллар миқдоридаги фонддан ўқиш учун грант ютиб олиш ва 1 000 000 АҚШ долларлик жамғарма маблағлари ҳисобидан ўз стартапларини молиялаштириш имкониятини тақдим этади. Бу ёшларга қудратли бизнесни йўлга қўйиш, ижодий фикрлаш ва ўзига бўлган ишончни ошириш имконини беради.
IDU қандай йўналишларни таклиф қилади:
1) Сунъий интеллект ва робототехника;
2) Data Science;
3) Ўйинларни ишлаб чиқиш;
4) Киберхавфсизлик.
Биринчи курсдан сўнг IDUнинг энг яхши талабалари ўқиш ва ишни бирга олиб боришлари мумкин. Университетдаги ўқишни тамомлагандан сўнг эса Европа, Америка ва Японияда ишлаш таклифларига эга бўлишлари мумкин. Ўзбекистонда биринчи марта университетда ўқиш нархи ўқишнинг биринчи йилиданоқ тўлиқ қопланади.
Муҳим томони шундаки, ўқиш нархи кириш имтиҳонлари натижаларига боғлиқ. Қабул қилиниш учун математика ва инглиз тили (IELTS) тестидан ўтишингиз керак. Умумий 500 нафар талаба ўқишга қабул қилиниб, улардан 100 нафаригача грант асосида ўқиш ва 200 нафаригача фоизсиз кредит олиш имкониятига эга бўлади. Шунингдек, IDU кириш имтиҳонларида етарли балл тўплай олмаган талабалар учун махсус интенсив қўшимча ўқитиш тизимини жорий этмоқда.
IDU ўқитувчилари зерикарли маърузаларни ўтиш ўрнига тажриба дарслари орқали талабаларда амалий кўникмаларни орттиришга интилади. Шундай қилиб, талабаларни қизиқарли ва маълумотларга бой дарслар, етакчи IT мутахассисларининг маҳорат сабоқлари, шунингдек, чет эллик ўқитувчиларнинг масофавий ўқитиш форматидаги машғулотлари кутиб қолади.
Ўқув машғулотлари Буюк Британия стандартлари асосида қизиқарли ўтади, бундан ташқари талабалар турли ривожланиш курслари ва бўлимларда ҳам иштирок этишлари мумкин. Ўқишни тугатгандан сўнг, битирувчилар дунёнинг етакчи мамлакатларида амал қиладиган Британия дипломига эга бўлишади.
IDU Тошкентда жойлашган бўлиб, Наманган шаҳрида ҳам ўз филиалини очиши кўзда тутилган.
Батафсил маълумотларни телефон рақамига қўнғироқ қилиб билиб олишингиз мумкин:
Реклама ҳуқуқи асосида.
Изоҳ (0)