2021 йил 15—16 сентябрь кунлари «Ипак йўли» банки кейинги 3 йиллик ривожланишнинг асосий йўналишларини белгилаб олиш мақсадида стратегик сессия ўтказди. Сессияда банк акциядорларининг вакиллари, кузатув кенгаши ва банкнинг бошқарув аъзолари, бизнес йўналишлар ва филиалларнинг раҳбарлари иштирок этди.
Банк томонидан хорижий акциядорлар, жумладан, 2020 йил банкка сармоя киритган Германиянинг DEG тараққиёт молия институти ҳамда Нидерландиянинг Triodos Investment Management (Triodos IM) компанияси вакилларининг фаол иштироки билан биринчи марта бундай йирик стратегик сессия ташкил қилинди. Иштирокчилар Ўзбекистондаги банк-молия секторининг ривожланиши, банкнинг ҳозирги фаолияти ва асосий бозордаги ўрни, шунингдек, «Ипак йўли» банкининг 2022—2024 йиллардаги ривожланиш истиқболларини муҳокама қилишди.
Стратегик сессия доирасида банкнинг хорижий акциядорлари вакиллари стратегик ривожланиш масалалари бўйича ўз прогнозлари ва тахминлари билан бўлишишди.
Сюзанна Декер, DEG вакили: «Бу пандемиядан кейинги кенг қамровли биринчи учрашувимиздир, чунки биз банкнинг келгуси стратегик ривожланиши масаласига дуч келмоқдамиз. Бизнинг мақсадимиз технологик қадамлар ва янги банк маҳсулотларини ишлаб чиқишни таъминлашдан иборат бўлиб, шу сабабли биз ‘Ипак йўли’ банкининг банк секторидаги мавқеини мустаҳкамлаш ва янада ўсиши учун имкониятлар яратиш мақсадида банк капиталини ошириш бўйича келгусида қўллаб-қувватлаш масалаларини муҳокама қилмоқдамиз».
Розанна Саркеева, Triodos IM вакили: «Ўтказилаётган учрашув ва муҳокамалар банк учун жуда фойдали. Биринчи навбатда, Ўзбекистонда ривожланиш учун жуда катта ва кенг имкониятлар мавжуд. Қабул қилинадиган стратегия ‘Ипак йўли’ банкига бозорда барқарор ўсишни давом эттиришга, банк маҳсулот турларини кенгайтиришга ва кичик бизнес мижозларига юқори сифатли хизмат кўрсатувчи ва хусусий секторнинг ривожланишини қўллаб-қувватловчи банк сифатида ажралиб туришига имкон беради деб умид қиламиз».
Бундан ташқари, DEG ва Triodos IM вакиллари Тошкентга ташрифи давомида Ўзбекистон Республикаси Марказий банкида ҳам учрашув ўтказдилар. Учрашув давомида иштирокчилар мамлакатнинг банк секторидаги сўнгги тенденциялар ва ўзгаришларни, шунингдек, инвесторларнинг яқин келажакда қўшимча сармоя киритиш режаларини муҳокама қилишди.
Ушбу тадбирнинг муҳим вазифаларидан яна бири банкнинг кучли томонлари ва афзалликларини ўзида мужассам этган корпоратив маданиятни шакллантиришдан иборат эди. Банк стратегиясини муҳокама қилиш ва ривожланиш йўналишларини хорижий акциядорлар вакиллари ва чет эллик мутахассисларни жалб қилинган ҳолда белгилаш, банкка корпоратив бошқарув соҳасида банк секторида жаҳоннинг энг яхши тажрибаларини жорий этиш имконини беради.
DEG — Deutsche Investitions- und Entwicklungsgesellschaft
DEG KfWнинг шўъба корхонаси деярли 60 йил мобайнида ривожланаётган мамалакатларда фаолият кўрсатувчи хусусий сектор корхоналари учун ишончли шерик бўлиб келмоқда. DEG ўз мижозларига индивидуал ёндашган ҳолда молиялаштириш, реклама дастурлари ва маслаҳатларни ўз ичига олган махсус ечимларни таклиф қилади. Бу орқали улар муваффақиятли ва барқарор ривожланиши, шу билан бирга маҳаллий даражада қўшимча қиймат ва янги иш ўринлари яратиши мумкин. DEG қарийб 80 мамлакатда 8,5 миллиард еврога яқин портфели билан дунёдаги энг йирик хусусий секторни молиялаштирувчилардан бири бўлиб келмоқда.
Баътафсил маълумот: www.deginvest.de
Triodos Investment Management
Triodos Investment Management (Triodos IM) ўз маблағларини узоқ муддатли ижобий ўзгаришлар учун ишлашини истаган инвесторларнинг кенг доирасини, инновацион тадбиркорлар ва барқарор бизнес билан боғлайди. Бунда Triodos IM адолатли, барқарор ва инсонпарвар дунёга ўтишда муҳим рол ўйнайдиган соҳаларда катализатор бўлиб хизмат қилади. Компания 25 йил давомида энергия ва иқлим, молиявий инклюзия ва барқарор озиқ-овқат ва қишлоқ хўжалиги каби соҳаларга, шунингдек, барқарор жамиятга ўтишга катта ҳисса қўшадиган компанияларга сармоя киритиб келмоқда. Triodos IM глобал миқёсда фаолият кўрсатувчи инвестор мақомига эга бўлиб, у 50 дан ортиқ мамлакатларда қиймати 6 миллиард еврога тенг бўлган 750 дан ортиқ инвестицияларни бошқаради (2021 йил июнь ҳолатига). Triodos IM 1980 йилда ташкил қилинган Triodos Bank NV шўъба корхонаси ҳисобланади.
Батафсил маълумот: www.triodos-im.com
Реклама ҳуқуқи асосида.
Изоҳ (0)