Голливуд юлдузлари Брэд Питт ва Жорж Клуни биргаликда янги фильмда суратга тушади. Дуэт «Ўргимчак одам» трилогияси режиссёри Жон Уоттснинг ҳозирча номи эълон қилинмаган лентасида бирга роль ўйнайди, деб хабар беради «Film.ru».
Фото: «Film.ru»
Ҳозирча сюжет деталлари очиқланмаган — фақатгина картина марказидан битта ишни ҳал этиш бўйича буюртма келиб тушган икки адвокат ўрин олиши маълум. Фильм учун бир вақтнинг ўзида бир нечта йирик студиялар курашмоқда: Universal, Warner Bros., МGM, Netflix, Apple, Amazon, Lionsgate ва ҳоказо.
Бунга қадар Клуни ва Питт Стивен Содербергнинг «Оушеннинг дўстлари» трилогиясида ва ака-ука Коэнларнинг «Ўқиб бўлиб, ёқиб юбор» комедиясида бош ролларни ижро этган. Шунингдек, улар янги лойиҳага продюсерлик ҳам қилади.
Уоттс декабрь ойида «Ўргимчак-одам»нинг тўртинчи қисмини тақдим этиши керак. Бундан ташқари, Marvel унга «Фантастик тўртлик»нинг янги қисмини тасвирга олишни буюртма қилган.
Эслатиб ўтамиз, 2021 йилнинг июлида Стивен Содерберг «Оушеннинг 11 дўсти» фильмининг яна бир қисмини суратга олиши мумкинлиги тўғрисида хабарлар тарқалганди.
