Gollivud yulduzlari Bred Pitt va Jorj Kluni birgalikda yangi filmda suratga tushadi. Duet “O‘rgimchak odam” trilogiyasi rejissori Jon Uottsning hozircha nomi e’lon qilinmagan lentasida birga rol o‘ynaydi, deb xabar beradi “Film.ru”.
Hozircha sujet detallari ochiqlanmagan — faqatgina kartina markazidan bitta ishni hal etish bo‘yicha buyurtma kelib tushgan ikki advokat o‘rin olishi ma’lum. Film uchun bir vaqtning o‘zida bir nechta yirik studiyalar kurashmoqda: Universal, Warner Bros., MGM, Netflix, Apple, Amazon, Lionsgate va hokazo.
Bunga qadar Kluni va Pitt Stiven Soderbergning “Oushenning do‘stlari” trilogiyasida va aka-uka Koenlarning “O‘qib bo‘lib, yoqib yubor” komediyasida bosh rollarni ijro etgan. Shuningdek, ular yangi loyihaga prodyuserlik ham qiladi.
Uotts dekabr oyida “O‘rgimchak-odam”ning to‘rtinchi qismini taqdim etishi kerak. Bundan tashqari, Marvel unga “Fantastik to‘rtlik”ning yangi qismini tasvirga olishni buyurtma qilgan.
Eslatib o‘tamiz, 2021-yilning iyulida Stiven Soderberg “Oushenning 11 do‘sti” filmining yana bir qismini suratga olishi mumkinligi to‘g‘risida xabarlar tarqalgandi.
Izoh (0)