Швециянинг дунёга машҳур IKEA мебель ишлаб чиқарувчиси тўсиқлар орқали ишлашга қодир Sjömärke номли симсиз қувватлантиргичини тақдим этди, деб хабар беради «Korrespondent.net».
Фото: IKEA
Стол усти ёки токчадан ўтиб ҳам телефонни қувватлантиришга қодир қурилманинг нархи 40 долларни ташкил этади. Унинг ўлчами — 4,3х12,7 сантиметр.
Таъкидланишича, Sjömärke 8 миллиметрдан 2,22 сантиметргача бўлган бўлган қалинликдаги дарахт ва пластик орқали ҳам ишлашга қодир.
Уни жамланма ичидан ўрин оладиган икки томонлама скотч ёрдамида қотириш тавсия этилади. Шунингдек, қувватлантиргични винтлар ёрдамида ҳам қотирса бўлади (жамланмада йўқ).
Қувватлантириш кабелининг узунлиги 2 метрга етади. Қувватлантириш жараёни тўғри бўлиши учун унга мобил қурилма ҳолати қандай бўлиши кераклигини кўрсатиб турувчи ёрлиқ ёпиштирилган.
Мазкур товар симсиз қувватлантиргичлар ўрнатилган мебель буюмлари серияси доирасида ишлаб чиқарилган.
Аввалроқ Lenovo ноутбуклар учун мўлжалланган симсиз қувватлантиргичини тақдим этгани тўғрисида хабар берилганди.
