Интернетда iPhone 13 Pro Max флагманининг блогерлар томонидан синовдан ўтказилганига оид илк маълумотлар пайдо бўла бошлади. YouTube’даги 8 миллиондан ортиқ обуначига эга таниқли техноблогер Арун Майни биринчилардан бўлиб Apple’нинг янги флагмани камерасини Samsung Galaxy S21 Ultra билан таққослаб кўрди, деб хабар беради «Лайфҳакер».
Кўплаб сценарийларда смартфонлар деярли бир хил тасвирга олади, аммо баъзи ҳолларда ранглар узатмаси ва деталлардаги фарқлар яққол кўзга ташланган. Масалан, iPhone 13 Pro Max катта зумида вазифани рақибидан ёмонроқ уддалаган.
Уч карра оптик зум ёрдамида тасвирга олишда эса Galaxy S21 Ultra ортда қолган, бироқ ушбу тестда видео муаллифи ғалабани Samsung смартфонига топширган.
Макро суратга олиш режимида ғолибни аниқлаш қийин бўлган. Қурилма суратларни турлича қайта ишлайди, аммо иккаласи ҳам майда деталларни кўриш имконини беради.
Кам ёритилган шароитда эса iPhone 13 Pro Max ўзини кўпинча суратлари сарғайиб ва деталлар йўқолиб қоладиган Galaxy S21 Ultra’дан яхшироқ кўрсатган. Лекин мазкур ҳолатда ҳам бу барча мисолларда яққол кўринмаган.
Портрет режимида суратга олишда ролик муаллифи етакчиликни тасвирлари анча ҳақиқатга мос ранглар жилоси эга ва фонни аниқ ажратадиган iPhone 13 Pro Max’га топширган.
Кўча-кўйда ва бино ичида кундалик суратга олиш режимида iPhone ортиқча тўйинган рангларсиз ҳамда тўғри оқ балансини намойиш этган ҳолда яхши ранглар узатувини намойиш этган.
Баъзи ҳолларда смартфонларда суратларни қайта ишлаш жуда кескин фарқ қилган. Кимгадир iPhone сурат ёқса, кимдир Galaxy суратини танлайди.
Селфи борасида ғолиблик Galaxy S21 Ultra’га топширилган.
Барча тестлар натижаси қўшилганида (видеога олиш ҳам) энг кўп баллни Samsung флагмани тўплади. Бироқ кўплаб таққословлардаги минимал фарқ мутлақ ғолибни танлаш имконини бермайди. Смартфонлар деярли тенг кучли — ҳар бири ўзига хос устунлик ва камчилик билан.
Изоҳ (0)