Shvetsiyaning dunyoga mashhur IKEA mebel ishlab chiqaruvchisi to‘siqlar orqali ishlashga qodir Sjömärke nomli simsiz quvvatlantirgichini taqdim etdi, deb xabar beradi “Korrespondent.net”.
Stol usti yoki tokchadan o‘tib ham telefonni quvvatlantirishga qodir qurilmaning narxi 40 dollarni tashkil etadi. Uning o‘lchami — 4,3x12,7 santimetr.
Ta’kidlanishicha, Sjömärke 8 millimetrdan 2,22 santimetrgacha bo‘lgan bo‘lgan qalinlikdagi daraxt va plastik orqali ham ishlashga qodir.
Uni jamlanma ichidan o‘rin oladigan ikki tomonlama skotch yordamida qotirish tavsiya etiladi. Shuningdek, quvvatlantirgichni vintlar yordamida ham qotirsa bo‘ladi (jamlanmada yo‘q).
Quvvatlantirish kabelining uzunligi 2 metrga yetadi. Quvvatlantirish jarayoni to‘g‘ri bo‘lishi uchun unga mobil qurilma holati qanday bo‘lishi kerakligini ko‘rsatib turuvchi yorliq yopishtirilgan.
Mazkur tovar simsiz quvvatlantirgichlar o‘rnatilgan mebel buyumlari seriyasi doirasida ishlab chiqarilgan.
Avvalroq Lenovo noutbuklar uchun mo‘ljallangan simsiz quvvatlantirgichini taqdim etgani to‘g‘risida xabar berilgandi.
Izoh (0)