Boston Dynamics компаниясининг Spot роботлари деярли барча соҳаларда инсонлар ўрнини эгаллашни бошламоқда. Эндиликда уларни автозаводларда ва суғурта агенти сифатида учратиш мумкин, деб хабар беради «Korrespondent.net».
2021 йилнинг ёзида Hyundai концерни роботлар ишлаб чиқарувчи Boston Dynamics’ни 80 фоиз акциясини 1,1 миллиард долларга сотиб олган ва уларни завод қўриқчилари, шунингдек, суғурта компанияларида зарарни баҳоловчи сифатида «ишга ёллаган».
Хусусан, Spot Американинг Fermers Insurance суғурта компаниясининг мутахассислар гуруҳи таркибига қўшилган. У тўфонлар, ўрмон ёнғинлари, зилзила, торнадо каби табиий офатлар оқибатида етказилган зарарни баҳолайди.
Бунинг учун қўшимча датчик ва 360 даражага буриладиган камералар, маълумотларни йиғишга қодир дастурий таъминот билан жиҳозланган.
Қўриқчи робот потенциал хавфли вазиятларни таҳлил қилиш ва бу ҳақда хавфсизлик хизматини огоҳлантиришга қодир. У кириш-чиқишларни текширади, ўзгалар юзини танийди ва ёнғин оловларини аниқлашга қодир. Хусусан, ёнғин содир бўлишидан олдин ҳам. Бу тепловизор ва 3D-лидар ёрдамида амалга оширилади.
Бундан ташқари, у кичик жойларга сиғади ва «кўр зоналар»ни топа олади.
Изоҳ (0)