Бугун,

  • USD 11095.31
  • RUB 173.84
  • EUR 10772.44

Ўзбекистонда хориждан ўқишни кўчириш бўйича тест синовлари 23–25 август кунлари ўтказилди. Давлат тест марказининг маълум қилишича, унда тест синовларида иштирок этиши белгиланган 87 486 нафар талабгордан 85 261 нафари иштирок этган.

Таъкидланишича, тегишли вазирлик ва идоралар томонидан ўқишни кўчириш учун минимал ўтиш бали анча паст белгиланган бўлса-да, талабгорларнинг 72 фоизи мазкур минимал талабни бажара олмаган.

Аслини олганда ёшларимизнинг хориждаги нуфузли ОТМларда таҳсил олиши яхши. Лекин мақсад хорижда таълим олиб, ўз соҳаси бўйича етук мутахассис бўлиш эмас, балки қандай қилиб бўлса ҳам 1 йилдан сўнг ўқишни Ўзбекистонга кўчириб олиш бўладиган бўлса, бу энди яхши ҳолат эмас, албатта. Ҳозир кўплаб консалтинг фирмалар томонидан 1 йилдан сўнг Ўзбекистонга кўчириб бериш ваъда қилинган ҳолда қўшни давлатлардаги ОТМларга ҳеч қандай имтиҳонларсиз ўқишга киритиб қўйиш таклиф қилинмоқда.

Ҳурматли абитуриентлар ва уларнинг ота-оналари!

Ҳеч қайси фирма талабалар ўқишини хорижий давлатлардан Ўзбекистондаги давлат олий таълим муассасаларига кўчиришга олдиндан кафолат бера олмайди.

Ўзбекистон Президентининг 2021 йил 22 июндаги ПҚ-5157-сон қарорига биноан барча талабалар ўқишни хориждан Ўзбекистонга кўчириш учун имтиҳон топшириши ва тизимида олий таълим муассасалари бўлган вазирлик ва идоралар томонидан белгиланган ўтиш балини тўплаши лозим.

Шу сабабли, Давлат тест маркази асосий мақсади хорижда ўқиш эмас, балки 1 йилдан сўнг ўқишни Ўзбекистонга кўчириб олиш бўлган абитуриентлар ва уларнинг ота-оналарига турли шахслар ва фирмаларнинг 1 йилдан сўнг ўқишни Ўзбекистонга кўчириб бериш тўғрисидаги ваъдаларига ишонмасликни ва ўз билимига ишонган ҳолда тест синовларига пухта тайёргарлик кўришни тавсия қилади.

Давлат тест маркази

Хориждан ўқишни кўчириш бўйича статистик маълумотларга кўра, тест синовида иштирок этган талабгорларнинг 50 фоиздан ортиғи 56,7 балл (максимал баллнинг 30 фоизи) ҳам тўплай олмаган:

Фото: Давлат тест маркази

Фото: Давлат тест маркази

Изоҳ
Asosiy yangiliklar
Маҳаллий
Ўзбекистон энг кўп қайси давлатга телефон экспорт қилгани маълум бўлди
Дунё
Эрон янги атом электр станциясини қуришни бошлади
Спорт
ЖЧ—2022. Франция терма жамоаси Польшани енгиб, чорак финалга чиқди