Ўзбекистон Президенти Шавкат Мирзиёев 14 сентябрь куни Россия президенти Владимир Путин билан телефон орқали мулоқот қилди.
Ўзбекистон билан Россия ўртасидаги кўп қиррали ҳамкорлик ва стратегик шериклик муносабатларини янада мустаҳкамлашнинг долзарб масалалари муҳокама қилинди. Афғонистонда вужудга келаётган вазиятни ҳисобга олган ҳолда минтақа кун тартибидаги масалалар юзасидан фикр алмашилди.
Шунингдек, президентлар бўлажак олий даражадаги учрашувлар режасини кўриб чиқди.
Бундан аввал Шавкат Мирзиёев Душанбеда ШҲТнинг юбилей саммитида иштирок этиши ҳақида хабар берилганди. Владимир Путин Тожикистон президенти билан мулоқот давомида атрофидаги одамларда коронавирус аниқлангани сабабли ўзини яккалаш режимига кирганини маълум қилиб, Душанбега боролмаслигини таъкидлаган. Қайд этилишича Россия президенти ШҲТ саммитида видеоконференцалоқа шаклида иштирок этади.
Изоҳ (0)