Голливуднинг тўйи учун миллионлаб маблағ сарфлаган жуфтликлари ҳақида маълумот бериб ўтамиз.

Жастин Тимберлейк ва Жессика Билл

Фото: Grazia

Хонанда ва актриса 2012 йил 19 октябрда турмуш қурган. Жуфтлик тўйи бўлгунига қадар 5 йил учрашган, аммо мухлислар уларнинг расман турмуш қуришидан умидини узган. Узоқ кутилган маросим Италия жанубида бўлиб ўтган. «Оила қуриш бағоят ажойиб. Маросим жуда яхши ўтди», — деган жуфтлик журналистларга берган интервьюсида. Машҳурлар тўй учун 6,5 миллион доллар сарфлаган.

Жорж Клуни ва Амал Аламуддин

Фото: Grazia

Голливуд юлдузи Жорж Клуни касби адвокат бўлган Амал Аламуддин билан 2014 йилда турмуш қурган. 4,5 миллион доллар миқдорда маблағ сарфланган маросим Венецияда бўлиб ўтган. Меҳмонларни бутун шаҳар бўйлаб ташиш учун жуфтлик ўнлаб махсус кичик кемаларни ижарага олган. Тўй учун айнан бу шаҳарнинг танланиши Клунининг Венеция кинофестивалига бўлган ўзига хос севгиси билан боғлиқ.

София Вергара ва Жо Манганелло

Фото: Grazia

Юлдузли жуфтлик 2014 йилдаги тўйи учун 4 миллион доллар сарфланган. Палм-Битчда бўлиб ўтган маросимга 400 нафар меҳмон ташриф буюрган.

Маблағнинг асосий қисми декорация учун сарфланган. Гуллар учун 1 миллион доллар, егуликлар учун эса шундан икки карра кам маблағ ишлатилган. Жуфтлик ташриф буюрувчилардан уларга совға келтиришдан кўра, хайрияга пул ўтказишни сўраган.

Ким Кардашьян ва Канье Уэст

Фото: Grazia

Юлдузли оила ҳеч қачон дабдабали тадбир ва маросимлар, хусусан, тўйи учун ҳам пул тежамаган. 2014 йил Флоренцияда бўлган никоҳ маросимига 200 нафар меҳмон ташриф буюрган. Жами 2,8 миллион доллар, Форт-Белведердаги қўрғонни ижарага олиш учун ярим миллион доллар сарфланган. Яна залларни гуллар билан безатиш учун миллион доллар ишлатилган. Шунча харажатга қарамай, юлдузларнинг турмуши вақт синовидан ўтмаган. 2021 йилнинг бошида жуфтликнинг ажрашишга тайёрланаётгани ҳақида хабар тарқаган.

Кристина Агилера ва Жордан Братман

Фото: Grazia

Хонанда ва мусиқа продюсери 2005 йил Калифорнияда турмуш қурган. Тўй учун машҳурлар 2 миллион доллар сарфлаган. Биргина келин кўйлакнинг ўзи деярли 100 минг долларга харид қилинган, қолган харажатлар ҳақида гапирмаса ҳам бўлаверади. Катта маблағ сарфланганига қарамай, Агилера меҳмонлардан ҳеч қандай совға харид қилмасликни, бунинг ўрнига Америкадаги фондлардан бирига хайрия қилишни сўраган. Афсуски, жуфтлик орадан 6 йил ўтиб ажрашишга қарор қилган.