Ўзини тутиши, қилган қарорлари билан руҳий саломатлигида муаммо бор деган фикрга келиш мумкин бўлган машҳурлар ҳақида маълумот бериб ўтамиз.
Шинейд O’Коннор
Ирландиялик хонанда исталган вақтда кишини ҳайратга солиши билан ҳамиша диққат марказида бўлган. Мухлислар ва ҳамкасблари буни қўшиқчи образининг бир қисми деб ҳисоблаган. Кейинроқ эса юлдузнинг ўзи унда биполяр бузилиш борлигини, бу кайфиятга ҳам таъсир қилмай қолмаслигини маълум қилган. Шинейд бир неча марта ўз жонига қасд қилишга уринган ва шифохоналарда даволаниб чиққан. Табиийки, буларнинг бари унинг машҳурлигига таъсир қилмай қолмаган.
Аманда Байнс
Амандага кўпинча Голливуд «умидини оқлолмаган» қиз дея таъриф берилади. Уни руҳияти билан боғлиқ жиддий муаммолар безовта қилади. Карьерасини ташлаганидан кейин актриса ҳамкасбларининг ижтимоий тармоқлардаги саҳифасига ҳақоратомуз изоҳлар ёза бошлаган. Шундан кейин Аманданинг тақиқланган моддаларга муккасидан кетгани маълум бўлган. Итининг устидан ёқилғи қуйиб, уни ёқишга уринганидан кейин Байнс руҳий касалхонага ётқизилган. У билан боғлиқ яна бир ёқимсиз ҳодиса содир бўлган. Аманда ҳомиладорлиги ва қорнидаги боланинг отасига турмушга чиқишни исташини маълум қилган. Адвокатлар Амандага бола дунёга келганидан кейин уни ўз ота-онасига боқишга беришни маслаҳат берган. Қизининг биполяр бузилишга қарши дори воситаларини қабул қилаётгани ва бундай вазиятда ҳомиладор бўлиш имконсиз эканини билган онаси жазавага тушган. Бир муддат вақт ўтиб, Байнснинг адвокати унинг ҳомиладор эмаслиги ҳақида маълумот берган.
Оуэн Уилсон
Голливуднинг комедия жанридаги роллари билан энг машҳур бўлган юлдузини бир вақтлар севгини деб ақлдан озишига сал қолганини тасаввур қилиш қийин. Ўтмишда у актриса Кейт Хадсон билан учрашган ва у билан турмуш қуриб, бахтли яшашга умид қилган. Аммо ҳаммаси Оуэн ўйлаганидан бошқачароқ бўлиб чиққан. Кейт уни тарк этишини маълум қилган. Уилсон эса қизни фикридан қайтариш учун ўз жонига қасд қилишга уринган. Шифокорларнинг хатти-ҳаракати билан унинг ҳаёти сақлаб қолинган.
Бритни Спирс
2007 йилда Бритни Спирснинг сочлари қирилган сурати тарқалганидан кейин унинг руҳиятида муаммо борлигига шубҳа қолмаган. Сочларини олдириб ташлагани камлик қилгандек Бритни кейинроқ ўз жонига қасд қилишга уринган. Кўп ўтмай хонанда учинчи марта она бўлмоқчилигини билдирган. Сўнгра Спирс руҳий шифохонага жойлаштирилган, шундан буён хонанданинг расмий васийи унинг отаси ҳисобланади.
Анжелина Жоли
Актрисанинг руҳий соғлом эканига мухлисларнинг шубҳаси бор. Бунга Жолининг феълини оғирлиги ва қизи Шайлонинг жинсини ўзгартириб, Жон бўлишига рухсат бергани ҳамда бир қанча бошқа сабаблар бор. Кейинчалик саломатлиги билан боғлиқ айрим жарроҳлик амалиётларини ўтказишга қилган қарори эса шубҳаларнинг тамоман ортишига сабаб бўлган. Анжелина ривожланиши мумкин бўлган саратондан ўзини қутқариш учун тиғ тагига ётишга рози бўлганини кўпчилик ҳамон нотўғри деб ҳисоблайди.
Изоҳ (0)