Республика махсус комиссияси томонидан Ўзбекистон давлат мустақиллигининг 30 йиллик байрами тадбирларини кўтаринки руҳда ўтказиш мақсадида Қорақалпоғистон Республикаси, вилоятлар ва Тошкент шаҳрида очиқ майдонларда сайиллар, концерт томошалари ва кўнгилочар дастурларни ташкил этиш борасидаги тегишли ташкилотлар томонидан берилган таклифлар маъқулланди. Бу ҳақда Соғлиқни сақлаш вазирлиги хабар берди.
Маълум қилинишича, мустақилликнинг 30 йиллиги байрамига тайёргарлик кўриш ва уни юқори савияда ўтказишни таъминлашга масъуллар томонидан байрам тадбирларига ташриф буюрувчиларни ниқоб тақишлари, ижтимоий масофани сақлашлари, шахсий гигиена қоидаларига қатъий риоя этиш устидан назоратни кучайтиришни таъминлаш шартлиги белгиланган.
Шу ўринда Соғлиқни сақлаш вазирлиги байрам тадбирлари ўтказиладиган майдонларда, шунингдек, ташкилот, корхона, муассасаларда, йирик савдо мажмуалари, супермаркетлар, кўнгилочар муассасаларда ниқобда бўлиш, ижтимоий масофани сақлаш, тана ҳароратини ўлчаш амалиётларига риоя этилишини сўраб қолади.
Аввалроқ Ўзбекистонда президент сайлови муносабати билан айрим оммавий тадбирлар ўтказилишига рухсат берилганди.
Мавзуга доир: Ўзбекистонда жума намозларига рухсат берилди
Изоҳ (0)