Қашқадарё вилоятида вилоят ҳокимлиги ва туман, шаҳар ҳокимликлари муассислигидаги босма нашрлар сотилмайдиган бўлди. Бу ҳақда вилоят ҳокими Зоир Мирзаев давлат раҳбарининг «Янги Ўзбекистон» газетасига берган интервьюси мазмун моҳиятини оммага етказишга бағишланган йиғилишда маълум қилди, дея хабар берди «Дарё» мухбири.
Қайд этилишича, вилоят раҳбари Зоир Мирзаев давлат раҳбарининг «Янги Ўзбекистон» газетасига берган интервьюси мазмун моҳиятига бағишланган йиғилишда босма нашрлар ҳақида ҳам сўз юритиб, уларнинг доимгидек фаолият юритишини маълум қилган.
«Бироқ бу мажбурий обуна бўлади ёки ҳокимлик газета обунасини қилиб беради деганим эмас. Биз газеталарнинг моддий техник базасини ривожлантириб, уларни шу масалада қўллаб-қувватлаймиз, аммо улар ўқувчига манзур бўладиган мақолалар ёзиб, рақобатга чиқиши керак», — деди Зоир Мирзаев бу ҳақда сўз юритар экан.
Маълум бўлишича, вилоятда аввалроқ 8 та газета, жумладан, вилоят ҳокимлиги муассислигидаги «Қашқадарё» газетаси ҳам сотувга чиқарилган бўлиб, айни кунга қадар сотиб олинмаган. Шунингдек, вилоятда яна 7 та туман ва шаҳар ҳокимликлар муассислигидаги босма нашрлар ҳам сотувга қўйилган, бироқ харидорини топмаган.
Изоҳ (0)