Футбол бўйича Италия чемпионатининг 1-туридан ўрин олган бир қатор ўйинлар 22 август, якшанба куни бўлиб ўтди.
«Рома» ўз уйида «Фиорентина»ни қабул қилди. Биринчи бўлим ярмига бормасдан флоренсияликлар бир ўйинчи кам бўлиб қолди. Дарвозабон Бартломей Дронговски тўғридан-тўғри қизил карточкага лойиқ кўрилди. 26-дақиқада Генрих Мхитарян Тэмми Абраҳамнинг узатмасини голга айлантирди. Иккинчи бўлим дебютида майдон эгалари ҳам ўн киши бўлиб қолди: Николо Заниоло четлатилди. 60-дақиқада меҳмонлар мувозанатни тиклаган бўлса, орадан кўп ўтмай Жордан Верету пойтахт клубининг иккинчи голини урди.
69-дақиқада Элдор Шомуродов захирадан майдонга тушди. 79-дақиқада Элдорнинг чиройли узатмасидан кейин Верету дублни нишонлади. Қолган вақтда ҳисоб ўзгармади.
«Ювентус» сафарда «Удинезе»га қарши баҳс олиб борди. Биринчи бўлимда Пауло Дибала ва Хуан Куадрадонинг голлари эвазига олдинга ўтиб олган туринликлар танаффусдан кейин иккита тўп ўтказиб юборди ва уч очкони қўлдан чиқарди.
«Наполи» бир ўйинчи кам бўлиб, дебютант «Венеция»ни таслим этди.
А Серия
1-тур баҳслари
22 август, якшанба
«Рома» — «Фиорентина» 3:1
Голлар: 1:0 – 26 Мхитарян, 1:1 – 60 Миленкович, 2:1 – 64 Верету, 3:1 – 79 Верету.«Рома»: Руй Патрисиу, Карсдорп, Манчини, Рожер, Виня, Мхитарян (аш-Шаарави, 84), Верету (Бове, 87), Кристанте, Пеллегрини (Карлес Перес, 84), Заниоло, Абраҳам (Шомуродов, 69).
«Фиорентина»: Дронговски, Венути (Сапонара, 84), Игорь Жулио, Миленкович, Бираги, Бонавентура (Бенасси, 74), Пульгар, Мале (Кастровилли, 46), Кальехон (Терраччано, 20), Влахович, Гонсалес (Соттил, 84).
Огоҳлантиришлар: Пеллегрини (12), Заниоло (44), Бонавентура (45), Пульгар (53).
Четлатишлар: Дронговски (17), Заниоло (52).
«Удинезе» — «Ювентус» 2:2
Голлар: 0:1 – 3 Дибала, 0:2 – 23 Куадрадо, 1:2 – 51, пенальти Перейра, 2:2 – 83 Деулофеу.«Удинезе»: Сильвестри, Молина, Нюйтинк, Самир (Зегелар, 90), Родриго Бекао, Удожи (Ларсен, 57), Арслан (Яяло, 80), Перейра, Уолас, Макенго (Деулофеу, 57), Пуссетто (Окака Чука, 80).
«Ювентус»: Шченсни, Данило, Бонуччи, де Лигт, Алекс Сандро, Куадрадо (Кьеза, 74), Рэмзи (Кьеллини, 59), Бентанкур (Локателли, 90), Мората (Роналду, 60), Дибала, Бернардески (Кулусевски, 60).
Огоҳлантиришлар: Шченсни (50), Уолас (76), Кулусевски (88), Роналду (90+3).
«Наполи» — «Венеция» 2:0
Голлар: 1:0 – 62, пенальти Инсинье, 2:0 – 72 Элмаз.Четлатиш: Осимҳен 23 («Наполи»).
Изоҳ (0)