Италия А Сериясининг 1-туридан ўрин олган ўйинда «Интер» 21 август, шанба куни «Женоа» билан баҳс юритди.
Миланда ўтган беллашув мезбонларнинг йирик ғалабаси билан якунланди. «Кўк-қоралар» генуяликлар дарвозасига жавобсиз 4 та тўп киритди. Голларга Милан Шкриньяр, Хоқон Чалхонўғлу, Артуро Видаль ва Эдин Жеко муаллифлик қилди.
Шу тариқа амалдаги чемпион «Интер» мавсумни йирик ғалаба билан бошлади. Жамоага янги қўшилган футболчилар Хоқон Чалхонўғлу ва Эдин Жеко эса ўзларининг илк расмий ўйинида гол уришга муваффақ бўлди.
А Серия
1-тур баҳслари
21 август, шанба
«Интер» – «Женоа» 4:0
Голлар: 1:0 – 6 Шкриньяр, 2:0 – 14 Чалхонўғлу, 3:0 – 74 Видаль, 4:0 – 87 Жеко.«Интер» – Ҳанданович, Дармиан, де Врей, Шкриньяр, Бастони (Думфрис, 84), Перишич (Димарко, 69), Брозович, Чалхонўғлу (Сатриано, 77), Сенси (Видаль, 69), Барелла (Весино, 77), Жеко.
«Женоа» – Сиригу, Кришито, Бираски (Серпе, 46), Ванхойсден, Камбязо (Сабелли, 46), Стураро (Мелегони, 71), Бадель, Эрнани (Бянки, 46), Ровелла, Пандев, Каллон (Фавилли, 54).
Огоҳлантиришлар: Кришито (1), Стураро (66), Весино (78).
Изоҳ (0)