Italiya A Seriyasining 1-turidan o‘rin olgan o‘yinda “Inter” 21-avgust, shanba kuni “Jenoa” bilan bahs yuritdi.
Milanda o‘tgan bellashuv mezbonlarning yirik g‘alabasi bilan yakunlandi. “Ko‘k-qoralar” genuyaliklar darvozasiga javobsiz 4 ta to‘p kiritdi. Gollarga Milan Shkrinyar, Xoqon Chalxono‘g‘lu, Arturo Vidal va Edin Jeko mualliflik qildi.
Shu tariqa amaldagi chempion “Inter” mavsumni yirik g‘alaba bilan boshladi. Jamoaga yangi qo‘shilgan futbolchilar Xoqon Chalxono‘g‘lu va Edin Jeko esa o‘zlarining ilk rasmiy o‘yinida gol urishga muvaffaq bo‘ldi.
A Seriya
1-tur bahslari
21-avgust, shanba
“Inter” – “Jenoa” 4:0
Gollar: 1:0 – 6 Shkrinyar, 2:0 – 14 Chalxono‘g‘lu, 3:0 – 74 Vidal, 4:0 – 87 Jeko.“Inter” – Handanovich, Darmian, de Vrey, Shkrinyar, Bastoni (Dumfris, 84), Perishich (Dimarko, 69), Brozovich, Chalxono‘g‘lu (Satriano, 77), Sensi (Vidal, 69), Barella (Vesino, 77), Jeko.
“Jenoa” – Sirigu, Krishito, Biraski (Serpe, 46), Vanxoysden, Kambyazo (Sabelli, 46), Sturaro (Melegoni, 71), Badel, Ernani (Byanki, 46), Rovella, Pandev, Kallon (Favilli, 54).
Ogohlantirishlar: Krishito (1), Sturaro (66), Vesino (78).
Izoh (0)