Hyatt Regency Tashkent меҳмонхонасида ZoodMall савдо платформасининг ташаббуси билан матбуот анжумани бўлиб ўтди.
«Ўзбекистон почтаси», MyUzCard тўлов сервиси, Ўзбекистон электрон тижорат ассоциацияси, ЖСТ ва БМТ ҳузуридаги халқаро савдо маркази, Инвестициялар ва ташқи савдо вазирлиги ҳузуридаги Экспортни рағбатлантириш агентлиги билан ҳамкорликда ташкил этилган тадбирда кичик ва ўрта бизнес учун рақамлаштириш лойиҳасининг ишга туширилиши ва ўз маҳсулотларини хориж мамлакатларига экспорт қилиш учун ZoodMall савдо платформасининг имкониятлари ҳақида маълумот берилди.
Бугунги кунда трансчегаравий онлайн савдо йилига 20 фоиз ва ундан юқори даражадаги ўсишни кўрсатмоқда, савдо ҳажмининг умумий қиймати эса 1,6 триллион доллардан ошган. B2C платформалари харидорга тўғридан-тўғри сотиш имкониятини тақдим этган ҳолда B2B ўрнини босади. Бунга сабаб улгуржи савдо майдончаларида (B2B) маҳсулот харидорга етиб боргунга қадар камида 7 босқичдан ўтади. Бу тўғридан-тўғри сотиш (B2C) тенденцияси биринчи навбатда кичик ва ўрта бизнес учун фойдали.
Мисол сифатида айтишимиз мумкинки, электрон тижорат ёрдамида қишлоқ ҳудудлари Хитойнинг тез ривожланаётган иқтисодиётининг бир қисмига айлана олди. Деҳқонлар мева, сабзавот, гўшт ва ҳунармандчилик маҳсулотларини Taobao каби электрон тижорат сайтларида сотишдан бошлади. Бу корхоналарнинг баъзилари шу қадар муваффақиятга эришдики, уларни қўллаб-қувватлаш учун «Taobao қишлоғи» номли алоҳида дастур яратилди.
Ўзбекистоннинг қишлоқ ҳудудларида фаолият олиб бораётган кичик ва ўрта бизнес субъектлари ҳам ZoodMall платформаси ёрдамида Хитойдаги каби имкониятларга эга бўлишади. Республикада 300 мингдан ортиқ кичик ва ўрта бизнес субъектлари фаолият кўрсатмоқда ва уларнинг сони ҳар йили 7—10 фоизга ошиб бормоқда, чакана савдонинг катта қисми кичик ва ўрта бизнесга тўғри келади.
Бироқ тадбиркорларнинг жуда оз қисми маҳсулотларининг электрон савдосини ташкил этиш имкониятига эга. Маҳсулотлар ва хизматларнинг атиги 0,6 фоизи интернет орқали сотилган. Қозоғистонда ушбу кўрсаткич 9 фоизни ташкил қилади.
Бунинг сабаблари оддий:
- зарур билим ва тажрибанинг йўқлиги;
- хорижий давлатлардан келадиган пул оқими билан боғлиқ муаммолар;
- харидорларнинг ўзбек маҳсулотлари билан таниш эмаслиги;
- реклама ва маркетингнинг юқори нархи;
- етказиб бериш ва логистика бўйича тажриба ҳамда малаканинг етарли эмаслиги.
Юртимизда кичик ва ўрта бизнес ялпи ички маҳсулотнинг қарийб 60 фоизини ишлаб чиқаришини ва бу кўрсаткич Қозоғистон (25,6 фоиз) ва Россияга (20 фоиз) нисбатан юқорилигини инобатга оладиган бўлсак, Ўзбекистон рақамлаштириш орқали халқаро бозорларга чиқиш учун барча имкониятларга эга.
Юқоридаги фактларни инобатга олган ҳолда, ZoodMall маҳаллий тадбиркорларга ўз платформасини таклиф этмоқда. Ҳозирда ZoodMall мижозларининг сони 7 миллиондан ортган.
ZoodMall бир неча йиллардан бери халқаро бозорларда муваффақиятли фаолият олиб бормоқда ва Ўзбекистон билан бир қаторда Қозоғистон, Озарбайжон, Ироқ, Ливан, Иордания, Саудия Арабистони ва Қувайт истеъмолчиларининг ишончини қозониб келмоқда. Ҳозирги кунда платформа импорт/экспорт каналларини яратишга ва бирлаштиришга, маҳаллий тўлов шлюзларини улашга ва тадбиркорлар экспорт қилиш имкониятига эга бўлиши учун маҳаллий гуруҳларни жойлаштиришга эришган.
«Биз Ўзбекистон, Ироқ ва Ливандаги савдо ва буюртмалар бўйича биринчи рақамли платформамиз. Ўзбекистонда 2021 йилнинг 7 ойи давомида биз 200 000 дан зиёд жўнатмаларни етказиб бердик. Бу дегани кунига мингта жўнатма ва юкларнинг 30 фоизга ойлик ўсишидир. Биз янги экспорт йўналишини ишлаб чиқишга ва таклиф қилишга қарор қилдик, чунки биринчи навбатда Ўзбекистонда ривожланаётган кўплаб сифатли компаниялар борлигига ишонамиз. Буни кўряпмиз, баъзилари ZoodMall билан ишлаяпти.
Иккинчидан, Ўзбекистон экспорт учун зарур бўлган барча асосий инфратузилмани, яъни маҳсулотларни етказиб бера оладиган логистика компанияларини, тўловларни амалга оширишга ёрдам берадиган тўлов хизматларини, шунингдек, савдо майдончаларини ва рақамли саводхонликни ошириш нуқтаи назаридан тадбиркорларни қўллаб-қувватлашга ўз ҳиссамизни қўшмоқчимиз», — деб фикр билдирди ZoodMall бош директори Аскарбек Алшанбаев.
Электрон тижоратнинг ривожи учун зарур бўлган энг асосий факторлардан бири бу — ишончли логистика тизими. Бу йўналишда «Ўзбекистон почтаси» билан ҳамкорликда иш олиб борилмоқда. Натижада платформа орқали савдо қиладиган кичик ва ўрта бизнес 2000 дан ортиқ почта бўлимларининг хизматларидан фойдаланиш имконияти тақдим этилади. Лойиҳа доирасида тадбиркорлар маҳсулотларни почта орқали жўнатишда 50 фоиз чегирмага эга бўлишади.
Лойиҳа доирасида MyUzcard ва ZoodPay тизимлари кичик ва ўрта бизнес вакилларининг операцион фаолиятини қўллаб-қувватлашни ҳам амалга оширади. Мижозларнинг ишончини қозонишда ZoodPay тизими томонидан ишлаб чиқилган «Ҳозир харид қилинг — кейинроқ тўланг» (BNPL) моделининг ўрни жуда муҳим. Тизим ёрдамида мижоз аввал маҳсулотни қўлига олади, сўнгра тегишли режага мувофиқ тўловни амалга оширади.
Реклама ҳуқуқи асосида.
Изоҳ (0)