Бугун,

  • USD 11095.31
  • RUB 173.84
  • EUR 10772.44

«Толибон» жангарилари Кобул аэропортидаги эвакуация жараёнига аралашишга уринган тақдирда, АҚШ уларга тезда жавоб қайтаради. АҚШ бу ҳақда «Толибон»ни огоҳлантирган, дея маълум қилди мамлакат президенти Жо Байден.

Фото: EPA

Фото: EPA

«Биз ‘Толибон’га бизнинг кучларимизга қилинган ҳар қандай ҳужум ёки аэропортдаги эвакуация жараёнига тўсқинлик қилувчи вазиятга тез ва кучли жавоб берилишини аниқ қилиб билдирдик. Шунингдек, биз аэропорт ёки унинг атрофидаги ҳар қандай потенциал террорчилик таҳдидини, жумладан, қамоқдан озод қилинган, ИШИДга алоқаси бор шахсларни диққат билан кузатиб бормоқдамиз», — деди Байден. «Шу билан бирга, ИШИД ‘Толибон’нинг ашаддий душмани ҳисобланади. Биз иттифоқчиларимиз ва шерикларимиз билан яқиндан бирлашишга эътибор қаратмоқдамиз».

«Мен Буюк Британия бош вазири, Германия Федератив Республикаси канцлери ва Франция президенти билан гаплашдим. Ҳаммамиз келаси ҳафта G7 саммитини чақиришга келишиб олдик. Биз биргаликда Афғонистонга бўлган ёндашувимизни мувофиқлаштира оламиз», — деди АҚШ президенти.

Байденнинг сўзларига кўра, гуманитар ёрдам, хусусан, қочоқлар учун озиқ-овқат ва дори-дармонлар етказиб бериш зарурлиги муҳокама қилинган. «Биз аҳолига, айниқса, аёллар ва қизларга муносабати масаласида ‘Толибон’га халқаро босим ўтказяпмиз. Ўтган ҳафта юракни эзадиган давр бўлди. Биз ваҳима ичида юрган одамларнинг тасвири туширилган кадрларни кўрдик» — деди АҚШ президенти.

Байденнинг таъкидлашича, АҚШнинг Кобул аэропортидаги ҳозирги ҳарбий амалиёти ниҳоятда қийин ва хавфли.

«Толибон» Кобул аэропортидаги эвакуация ишларига аралашмасликка ваъда берган. Аммо америкаликлар ва уларнинг иттифоқчилари билан ҳамкорлик қилган афғонистонликлар «Толибон» уларнинг кетишига тўсқинлик қилишидан қўрқмоқда.

The New York Times хабарига кўра, «Толибон» сўроқ қилиш ва жазолаш учун АҚШ ҳарбийлари билан ҳамкорлик қилган афғонларни қидира бошлаган. NYT таъкидлашича, «Толибон» рўйхатдаги одамларни жумладан Кобул аэропорти яқинидан ҳам қидирмоқда, аэропорт ҳозир мамлакатни тарк этиш мумкин бўлган ягона жой.

Изоҳ
Асосий янгиликлар
Дунё
Туркия ва Суриядаги зилзила нега ҳалокатли оқибатларга олиб келди?
Маҳаллий
“Қардошларимизга ҳамдардмиз”. Ўзбек жамоатчилиги Туркиядаги зилзилага муносабат билдирди
Маҳаллий
Шавкат Мирзиёев ҳарбий хизматга навбатдаги чақирув бўйича қарорни имзолади