Ўзбекистонда сўнгги беш йилда ёш тадбиркорлар беш баробар кўпайиб, уларнинг сони 500 мингдан ошди. Бу ҳақда айни пайтда бўлиб ўтаётган Президент Шавкат Мирзиёевнинг тадбиркорлар билан очиқ мулоқотида қайд этилди, дея хабар бермоқда «Дарё» мухбири.
Мен, бугун ушбу залда ва жойлардаги студияларда қатнашаётган, юзлаб тадбиркор ёшлар ва опа-сингилларимизни кўриб турганимдан, бениҳоят хурсандман. Биз кейинги 2 йилнинг ўзида, фақатгина хотин-қизлар ва ёшлар тадбиркорлигини ривожлантиришга 500 миллион доллар маблағ йўналтирдик. Уларни ўз бизнесини бошлаши, жумладан, касб ва тадбиркорликни пухта ўрганиши учун, барча шарт-шароитлар яратилди.Аввалроқ Ўзбекистонда тадбиркорлар Президентга қайси масалада кўпроқ мурожаат қилаётгани, Шавкат Мирзиёев номидан юзлаб тадбиркорларга миннатдорчилик хатлари топширилгани тўғрисида хабар берилганди.Намангандан Анна Добрих, марғилонлик Наргиза Аминова, хоразмлик Шахло Юлдашева, Тошкент шаҳридан Мунира Кариева, Мадина Аюпова, Тошкент вилоятидан Наргиза Бекмуратова, сурхондарёлик Мухаббат Қаюмова каби юзлаб аёлларимиз, бугунги кунда элда танилган тадбиркорга айландилар.
Сўнгги беш йилда ёш тадбиркорлар беш баробар кўпайиб, уларнинг сони 500 мингдан ошди.
Тадбиркор аёллар ва ёшлар сафини янада кенгайтириш, уларни ҳар томонлама қўллаб-қувватлаш бундан кейин ҳам, иқтисодий сиёсатимизнинг энг устувор йўналишларидан бири бўлиб қолади.
Шавкат Мирзиёев, Ўзбекистон Президенти
Изоҳ (0)