Дам олиш кунлари Ўзбекистон ҳудудида охирги 2 кун ичида бошланган ҳарорат кўтарилиши давом этади, деб хабар бермоқда «Ўзгидромет». Кундуз кунлари ҳаво 36-38 даражагача исийди.
Кечалари ҳарорат кўтарилади, якшанба кунига келиб ҳарорат 20-22 даража қийматига етади. Дам олиш кунларида ҳарорат меъёрдан 2-4 даражага юқори бўлади.
20 август ва дам олиш кунлари республиканинг барча текислик ҳудудида ҳаво, асосан, бироз булутли бўлади, ёғингарчилик кутилмайди. Шамол тезлиги бироздан ўртачагача бўлади, баъзи жойларда 15-20 метр/секундгача кучайиши мумкин.
Республиканинг айрим тоғли ҳудудларида қисқа муддатли ёмғир ёғиши, момақалдироқ бўлиши мумкин.
Эслатиб ўтамиз, 18 август, чоршанба кунидан салқин ҳаво массаси Ўзбекистон ҳудудидан чекиниб, унинг ўрнига Эрон ҳудудларидан нисбатан иссиқ об-ҳаво кириб келди. «Ўзгидромет» ҳафта охирларига бориб ҳаво ҳарорати яна кўтарилиши кутилаётганини маълум қилганди.
Изоҳ (0)