Бугун,

  • USD 11095.31
  • RUB 173.84
  • EUR 10772.44

Афғонистон миллий армиясининг махсус топшириқли корпуси тарқатиб юборилган деб эълон қилинди. Бу ҳақда «Интерфакс» махсус кучлар матбуот хизматига таяниб хабар берди.

Фото: Getty Images

Фото: Getty Images

«Сўнгги лаҳзагача махсус кучлар вакиллари масъулиятсизлик қилмасдан, афғон халқининг ҳаёти ва мол-мулкини сақлаб қолиш учун ҳурматли раҳбарият зарур деб ҳисоблаган барча нарсаларни қилди», — дейилади баёнотда.

Таъкидланишича, корпуснинг бутун шахсий таркиби ишдан бўшатилган, бўлинманинг ўзи тугатилган.

Шунингдек, Афғонистон шарқидаги Хост вилоятида махсус қўриқлов бўлинмаси (Khost Protection Force — KPF) «Толибон» ҳаракатига таслим бўлган.

«KPF АҚШ томонидан тузилган махсус бўлинма эди, уни Афғонистон ҳукумати бошқармаган. Улар Хост, Пактия ва Пактика вилоятларига жойлаштирилган ҳамда минглаб одамларни ўзбошимчалик билан қатл қилгани билан машҳур эди», — дейилади афғонистонлик журналистлардан бири ижтимоий тармоққа жойлаган постда.

Уларнинг маълумотларига кўра, махсус бўлинманинг 1200 та автомобилда ўтирган 6 мингга яқин жангчилари «Толибон»га таслим бўлган. Хост вилояти жангарилар қўлига ўтганидан кейин KPF жангчилари уларнинг қасос олишидан қўрқиб, қўшни Пактия вилоятига қочиб ўтишга уринган, аммо йўлда «Толибон» томонидан тўхтатилган.

Бу орада Кобулда «Толибон» маҳаллий аҳолидан қуролларни мусодара қилмоқда. Газеталарнинг ёзишича, афғонистонликларнинг жуда кўпчилигида қурол бўлгани сабабли ҳокимият тепасига «Толибон» келганидан норози бўлган бир гуруҳ одамлар уларга қаршилик кўрсатиши хавфи бор.

«Толибон» вакили айтишича, одамлар энди шахсий ҳимоя учун қуролга муҳтож эмас. «Одамлар ўз хавфсизлиги учун қурол сақлаганини тушунамиз. Энди улар ўзларини хавфсиз ҳис қилиши мумкин. Биз бу ерда бегуноҳ фуқароларга зарар етказиш учун турганимиз йўқ», — деди ҳаракат вакили.

Изоҳ
Асосий янгиликлар
Маҳаллий
Бухорода Nexia-2 ариққа тушиб кетди (видео)
Иқтисодиёт
Ўзбекистонда қанча табиий монополия борлиги маълум қилинди 
Маҳаллий
Соғлиқни сақлаш вазирининг телефон рақамига кунига 500 дан ортиқ мурожаат келиб тушаётгани маълум қилинди