Бугун,

  • USD 11095.31
  • RUB 173.84
  • EUR 10772.44

Америка Қўшма Штатлари ўз фуқароларини Афғонистондан хавфсиз эвакуация қилиш учун ушбу мамлакатга 5 мингга яқин ҳарбий хизматчи юборади. Бу ҳақда АҚШ президенти Жо Байденнинг 14 август, шанба куни эълон қилинган баёнотида сўз боради.

Жо Байден.

Жо Байден.
Фото: Getty Images

«Дипломатик, ҳарбий ва разведка жамоаларимизнинг тавсияларидан келиб чиқиб, мен АҚШ ва бошқа ҳамкорларимизнинг ходимларини тартибли ва хавфсиз олиб чиқиб кетилиши таъминлаш, шунингдек, миссиямиз давомида бизнинг қўшинларимизга ёрдам берган афғонларни ҳамда ‘Толибон’ босқини оқибатида алоҳида таҳдид остида қолиши мумкин бўлганларни хавфсиз эвакуация қилиш учун 5 мингга яқирн АҚШ ҳарбий хизматчиларини жойлаштиришга рухсат бердим», — дейилади баёнотда.

Оқ уй раҳбари АҚШ давлат котиби Энтони Блинкенга Афғонистон президенти Ашраф Ғани ва афғонистонлик бошқа етакчиларнинг «келгуси қон тўкилишининг олдини олиш ва сиёсий тартибга солишга эришиш йўлидаги интилишлари»ни қўллаб-қувватлаш ҳақида кўрсатма берган.

«Биз ‘Толибонънинг Доҳадаги вакилларига ҳарбий қўмондон орқали уларнинг Афғонистондаги АҚШ ходимлари ёки миссиясини хавф остида қолдирадиган ҳар қандай ҳаракатига тезкор ва кучли ҳарбий жавоб бўлишини билдирдик», — дея таъкидлаган Жо Байден.

У ўз баёнотида қўшимча қилишича, «токи афғон ҳарбийлари мамлакатни ушлаб туролмас экан, АҚШнинг яна бир йил ёки беш йил Афғонистонда қолиши вазиятни ўзгартирмас эди». «Американинг бошқа мамлакатдаги фуқаровий низо марказида чексиз муддат туриб қолиши мен учун номақбул ҳол эди», — деган Оқ уй раҳбари.

«Мен Американинг Афғонистондаги ҳарбий иштирокига раҳбарлик қилган тўртинчи президент бўлдим... Мен бу урушни бешинчи президент зиммасига ўтказмаган бўлардим ва ўтказмайман ҳам», — дея қайд этиб ўтган Байден. Унинг қўшимча қилишича, қуролли кучлар ва разведкага «келгусида Афғонистондан бўладиган террорчилик хуружларига қарши туриш учун шайлик ва ҳушёрликни сақлаш» ҳақида буйруқ берган.

Америка 2021 йил апрель ойидан Афғонистондан ўз қўшинларини олиб чиқишни бошлагач, «Толибон» афғон ҳукумат кучларига қарши урушни кучайтирди. Сўнгги бир ҳафта ичида толиблар мамлакатнинг аксарият қисмини, хусусан, Қандаҳор ва Ҳирот каби йирик шаҳарлари, шунингдек, Ўзбекистон билан чегара яқинидаги Мозори-Шариф шаҳрини қўлга киритди, деб ёзади «Gazeta.uz». Ҳозирги вақтда Афғонистон армияси фақат пойтахт Кобул ва унинг атрофидаги айрим ҳудудларни назорат қилмоқда, холос.

Изоҳ
Asosiy yangiliklar
Маҳаллий
Ўзбекистонда банан нархи ошиб бормоқда. Энди мева истеъмоли камаядими?
Маҳаллий
Ўзбекистоннинг барча ҳудудларида 10 декабрь ёғингарчиликсиз ўтади
Дунё
Совуқ урушни бошлаган Черчилл, Чехиядаги шифохонада оммавий қотиллик ва Чили диктатори Пиночетнинг ўлими. Кун хронологиясида 10 декабрь