Бугун,

  • USD 11095.31
  • RUB 173.84
  • EUR 10772.44

Бухоро вилояти Шофиркон туманида ҳокимлик захирасидаги 16 сотих ерни 14 минг долларга сотишга уринган шахс қўлга олинди. Бу ҳақда Бош прокуратура ҳузуридаги Департамент хабар берди.

Фото: Бош прокуратура ҳузуридаги Департамент

Фото: Бош прокуратура ҳузуридаги Департамент

Маълум қилинишича, Департаментнинг Шофиркон туман бўлими томонидан вилоят ДХХ билан ҳамкорликда тезкор тадбир ўтказилган. Тадбирда фуқаро Н.Х. Бухоро шаҳар ҳокимлиги захирасида бўлган 16 сотих ер майдонини фуқаро Х.га 14 минг долларга сотишга келишиб олгани аниқланган. Фуқаро ушбу пулларни укаси С. орқали олган вақтида ашёвий далиллар билан ушланган.

Шунингдек, Департаментнинг Денов туман бўлими томонидан ўтказилган тезкор тадбирда ҳам шу каби яна бир ҳолатга чек қўйилган. Аниқланишича, Ш.П. исмли шахс фуқаро Р.нинг ишончига кириб, унга «Хазарбоғ» СИУ ҳудудидан боғдорчилик йўналишида ажратилган 3 гектар ер майдони ажратилиши тўғрисидаги туман ҳокими қарори прокуратура томонидан протест киритилиб бекор қилинганини айтган. Лекин Ш.П. танишлари орқали ушбу ер майдонини ўзининг фойдасига сақлаб қолиб, кейинчалик 20 минг долларга сотишини айтиб, олдиндан 3 минг долларни фирибгарлик йўли билан олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.

Аввалроқ Фарғона, Наманган ва Сурхондарёда ерни ноқонуний равишда сотаётган шахслар қўлга олингани, Сирдарёда ҳокимлик захирасидаги 14 гектар ерни 30 минг доллар эвазига расмийлаштириб беришга уринган ота-бола аниқлангани, Фарғонада 50 сотих ерни 25 минг долларга ноқонуний сотмоқчи бўлган МЧЖ бошлиғи ушлангани ҳамда ДХХ Бўстонлиқда от спортига ажратилган 25,4 гектар ерни 1,5 миллион долларга сотмоқчи бўлган шахсни қўлга олгани ҳақида хабар берилганди.

Изоҳ
Asosiy yangiliklar
Дунё
Рамзан Қодировни танқид қилган чеченистонлик блогер ўлдириб кетилди
Маҳаллий
Ўзбекистонда талабалар учун қишки таътил муддати белгиланди
Маҳаллий
Ўзбекистонда сўнгги суткада 153 кишида коронавирус аниқланди