Тери саратони ривожланишининг асосий омили ультрабинафша нурларидир. Ишониш қийин, аммо қулоқ, лаблар ва танадаги яна 5 аъзони ундан ҳимоя қилмаслик натижасида хавфли касаллик ривожланиши мумкин.
Кўпчилик баҳор, ёз, умуман, илиқ ва қуёшли мавсумда, иложи борича очиқ ҳавода бўлишни хоҳлайди. Чунки бу каби об-ҳаво инсонга энергия ва яхши кайфият бағишлайди. Шунингдек, қуёш нури серотонин ишлаб чиқаришга ёрдам беради, соғлиқ учун эса кўп мамлакатларда танқис бўлган табиий D витамини ҳисобланади. Аммо ультрабинафша нурларидан ҳимоя қилиш ҳақида унутмаслик керак. Бунинг учун махсус воситалардан фойдаланиш, шу жумладан, тананинг керакли қисмларига суртиш тавсия этилади.
Бош териси
Албатта, бош терисини ультрабинафша нурларидан ҳимоя қилиш ҳақида жуда кам инсонлар билади. Аммо қуёш нурининг асосий қисми биринчи бошга тушади. Шунинг учун, очиқ ҳавода кўп вақт ўтказишни режалаштирганлар бош кийим кийишни ва ҳар икки соатда қуёшдан сақловчи крем суришни унутмаслиги керак.
Қулоқлар
Дерматологларнинг айтишича, агар улар терининг фақат иккита қисмини ҳимоя қилиш керак бўлса, улар қулоқ ва лабларни танлаган бўларди. Эҳтимол, буни ҳам кўпчилик билмаслиги мумкин, лекин лаблар ва қулоқларнинг териси ҳимоясиз бўлиб, тери саратони ривожланишининг асосий жойи ҳисобланади. Шунинг учун, қуёшдан сақловчи крем ёки лосьондан фойдаланиш, шляпа ёки рўмол ўраш тавсия этилади.
Лаблар
Ультрабинафша нурлари лабларга йилига 365 кун таъсир қилади, айниқса, иссиқ ойларда, баҳор ва ёзда таъсир даражаси ортади. Ва шунинг учун уларни нафақат қуриб қолишидан, балки тери саратони ривожланишига олиб келадиган хавфли нурлардан ҳам ҳимоя қилиш жуда муҳимдир. SPF даражаси 30 ва ундан юқори бўлган бальзамлардан фойдаланиш – лабларни нафақат намлайди, балки ҳимоя ҳам қилади.
Кўз қовоқлари
Биринчидан, қуёшдан сақлайдиган кўзойнакни нафақат ёз ёки пляжда, балки ҳамиша тақиш керак. Шунингдек, куни бўйи кўзойнак тақилса ҳам, кўз қовоқларининг нозик териси ишончли ҳимояга муҳтож бўлади. Бунинг учун SPF даражасига мос келадиган махсус юз кремидан фойдаланиш тавсия этилади.
Бўйин
Баъзи сабабларга кўра, кўпинча бу соҳа унутилади. Шу билан бирга, бўйин кун бўйи қуёшда қолади, айниқса, қисқа сочли қизлар ҳимояни кучайтириши керак. Кўчага чиқишдан 15 дақиқа олдин кремни қўллаш лозим. Борди-ю кун қуёш нури остида ўтса, воситани ҳар икки соатда янгилаш керак.
Оёқлар
Оёқ бармоқлари ва кафти энг хавфли зоналардан бири ҳисобланади. Пляж пойабзали ва сув қуёшдан ҳимояламайди. Шунинг учун уйдан чиқишдан олдин оёқларни ҳимоя крем билан асрашни унутмаслик лозим.
Қўллар
Ажабланарлиси шундаки, қўлларни ҳимоя қилиш ҳеч кимнинг хаёлига ҳам келмайди. Аслида, қўл териси деярли ҳар доим очиқ ва қуёш нурларини биринчилардан бўлиб қабул қилади. Шунинг учун нафақат баҳор ёки ёзда, балки қишда ҳам SPF қўл кремини қўллаш тавсия этилади.
Изоҳ (0)