Бокс бўйича -52 вазн тоифасида Ўзбекистон шарафини ҳимоя қилаётган Шаҳобиддин Зоиров 31 июль куни Токио—2020 Олимпиадасидаги навбатдаги жангини ўтказди.
Зоиров 1/8 финалда Кабо-Верде вакили Варела Даниэлга қарши жанг ўтказди. Беллашув тўлиқ ўзбекистонлик боксчининг устунлиги остида ўтди ва якунда 5:0 ҳисоби қайд этилди.
Аввалги босқичда Зоиров туркиялик Ботухон Чифчини таслим этганди.
Шу тариқа Зоиров чорак финалга йўл олган учинчи ўзбекистонликка айланди. Аввалроқ Баҳодир Жалолов ва Райҳона Қодирова бу ишни уддалаганди. 31 июль куни Элнур Абдураимов (-63 кг) 1/8 финалда иштирок этади.
Изоҳ (0)