Дзюдо бўйича Токио—2020 Олимпиадасининг аралаш жамоавий мусобақасида Ўзбекистон терма жамоаси 1/8 финалда Нидерландияга қарши баҳс олиб борди.
Тўртта жангдан кейин Ўзбекистон терма жамоаси 3:1 ҳисобида олдинда бораётганди. Бироқ ушбу Олимпиада бронза медали эгаси Давлат Бобонов иштирокидаги жанг мағлубият билан якунланди. Сўнгги беллашувда Фарангиз Ҳожиева тажрибали рақибига қаршилик кўрсата олмади ва ҳисоб 3:3 кўринишини олди.
Қўшимча жангда Бекмурод Олтибоев ва Хенк Грол ўзаро тўқнаш келди. Дастлабки жангда иппон баҳоси билан рақибини таслим этган Бекмурод бу сафар ютқазиб қўйди. Учта шидо (огоҳлантириш) баҳоси баҳс тақдирини ҳал қилди.
Шу тариқа Ўзбекистон жамоавий баҳсларда ҳам ўз иштирокини якунлади. Қайд этиш керак, Ўзбекистон дзюдо терма жамоаси Олимпия ўйинларида илк бор жамоавий баҳсларда иштирок этди.
Дзюдо, аралаш жамоавий мусобақа
1/8 финал
Ўзбекистон — Нидерландия 3:4
+90 кг: Бекмурод Олтибоев – Хенк Грол 10:0-57 кг: Диёра Келдиёрова – Санне Верхаген 0:10
-73 кг: Ҳикматиллоҳ Тўраев – Торнике Цякадоеа 10:0
-70 кг: Гулноза Матниязова – Санне ван Дийке 10:0
-90 кг: Давлат Бобонов – Ноел ван Тенд 0:10
+70 кг: Фарангиз Ҳожиева – Гусе Стинхаус 0:10
Қўшимча жанг
+90 кг: Бекмурод Олтибоев – Хенк Грол 0:10
Изоҳ (0)