ЮНИСЕФнинг Ўзбекистондаги ваколатхонаси раҳбари Мунир Маммедзаде сентябрь ойида мамлакатга яна 660 минг доза AstraZeneca ва қўшимча 276 минг доза хайрия тариқасида, шунингдек, сентябрь—октябрда эса 1,214 миллион доза Pfizer тақдим этилиши кутилаётганини маълум қилди, деб хабар беради «Gazeta.uz».
ЮНИСЕФнинг Ўзбекистондаги ваколатхонаси раҳбарининг сўзларига кўра, фонд «катта еттилик» ҳамда ортиқча вакцинаси бор мамлакатларга мурожаат қилиб, вакцинани бошқа давлатлар билан бўлишишга чақирган. «Шу сабабли ушбу бирдамликни намойиш этиш жуда муҳим, шунда имкониятга эга бошқа мамлакатларда бир-бирига қўшимча дозаларни тақдим этиш имконияти юзага келади», — дейди у.
Мунир Маммедзаде ҳукуматнинг аҳолини вакцинациялар борасидаги саъй-ҳараткатларини ва фуқароларда турли вакциналарни танлаш имконияти мавжудлиги борасидаги фактни эътироф этган.
У COVAX дастури доирасида март ойида Ўзбекистонга 660 минг доза AstraZeneca вакцинаси келтирилганини эслатиб ўтган. Июлда ЮНИСЕФ чақириғи билан Озарбайжон Ўзбекистонга яна 50 минг доза вакцина тақдим этганди.
«Сентябрда яна 660 минг доза AstraZeneca ва қўшимча 276 минг доза, сентябрь октябрда 1,214 миллион доза Pfizer тақдим этилиши кутилмоқда», — дея қайд этади ЮНИСЕФнинг Ўзбекистондаги ваколатхонаси раҳбари.
«Ўзбекистоннинг барча туманлари Moderna каби вакциналарни -20 даражада сақлаш имкониятига эга бўлишига эришдик. Ушбу потенциал давом эттирилиб, анча паст ҳароратда сақланадиган Pfizer каби вакциналар ҳам мамлакатда таъминланишига эришамиз», — дейди Маммедзаде.
Унинг қўшимча қилишича, 2021 йил охиригача COVAX доирасида етказиб берилган вакцина ёрдамида Ўзбекистон аҳолисининг камида 20 фоизини эмлаш режалаштирилган.
Аввалроқ Ўзбекистонга АҚШдан коронавирусга қарши 3 млн дозадан ортиқ Moderna вакцинаси келтирилгани, мамлакатдаги жами вакцина захираси 12 миллион 580 минг 60 дозани ташкил қилаётгани тўғрисида хабар берилганди.
Изоҳ (0)