Ўзбекистонда сўнгги бир йилда 2 млн сўмдан кўп ойлик оладиганлар сони кўпайди

Ўзбекистонда 2 миллион сўмдан кўпроқ ойлик маоши оладиган фуқаролар сони ошди, дея хабар бермоқда Молия вазирлиги.

Вазирлик Давлат бюджети даромадларининг 2021 йил I ярим йиллик ижроси бўйича дастлабки натижаларини маълум қилди.

Маълум бўлишича, ҳисобот даврида даромади ошган ходимлар сони кўпайган. Хусусан, май ойида 2—4 миллион сўм олганлар 1 720 600 нафарни (умумий тўловчилар сонидаги салмоғи 21,3 фоиздан 23,1 фоизгача ошган), 4—5,5 миллион сўм олганлар 293 минг нафарни (салмоғи 4,7 фоиздан 6,3 фоизгача ошган), 5,5 миллион сўмдан юқори олганлар 387 минг нафарни ташкил қилган (салмоғи 5,8 фоиздан 8,3 фоизгача ошган).

Бундан ташқари, 1 миллион сўмгача (1 миллион 778 минг) ва 1—2 миллион сўм ойлик оладиганлар (1 миллион 118 минг нафар) сони мос равишда 42,6 фоиз ва 25,6 фоиздан 38,3 фоиз ва 24 фоизга камайган.

Бундан аввал Ўзбекистонда август ойида «темир дафтар»даги оилаларнинг 18 ёшгача бўлган фарзандларига 500 минг сўмдан берилиши, Тошкент метрополитени ходимлари ойлигини ошириш режалаштирилаётгани ҳамда ўзбекистонлик судьяларнинг энг кам маоши неча миллион сўмдан бошланиши маълум қилингани ҳақида хабар берилганди.