Тошкентнинг Яккасарой туманида контейнер ортилган Howo юк машинаси кўприк остидаги бетонга урилганди. Telegram’даги TashkentLand каналининг ёзишича, йўлнинг айнан шу қисми ҳаракатланиш учун тўсиб қўйилди.
Қайд этилишича, Howo юк машинаси бориб урилган полосада металлдан ясалган махсус тиргак ўрнатилди.
Эслатиб ўтамиз, 9 июль куни соат 11:40 ларда Яккасарой тумани, КҲАЙ–Бобур кўчалари кесишмаси кўприк остида ҳайдовчи Howo юк машинасида 3.13 «чекланган баландлик» йўл белгисига амал қилмай ҳаракатланиб, кўприк остидаги бетонга урилиб, йўл-транспорт ҳодисасини содир қилганди.
Ижтимоий тармоқларда ҳодиса акс этган видео ҳам тарқалди. Унда юк машинаси кўприк тагида тиқилиб қолиб, чиқиб кетишга ҳаракат қилаётгани, кўприкка жиддий шикаст етганини кўриш мумкин.
Айни пайтда ҳолат юзасидан Тошкент шаҳар ИИББ ЙҲХБ ходимлари томонидан маъмурий иш ҳужжатлари расмийлаштирилган, суриштирув ишлари олиб борилмоқда.
Изоҳ (0)