Нафақат Туркия, балки бутун дунёга машҳур «Муҳташам юз йил» сериалида Хуррам султон ролини гавдалантирган актриса Марям Узерли қандай лойиҳада иштирок этиши ҳақида маълумот берди.
Мухлислар узоқ вақт давомида Марямнинг янги ижролар билан экранга қайтишини кутган, матбуотларда унинг иштироки ҳақида янгиликлар тарқалган, аммо буларнинг бари ҳақиқатдан йироқ бўлган. Бу сафар актрисанинг ўзи маълумот берган ва аллақачон суратга олиш ишлари бошланганини айтиб ўтган. Гап Жулия Робертс учун ёзилган «Гўзал бир туш» лойиҳаси ҳақида кетяпти.
Amerikan HistoriX продюсерлик компанияси кўмагида суратга олинадиган лойиҳага Алп Камбер режиссёрлик қилади. Маълум қилинишича, айнан америкалик продюсерлар Жулиянинг номзодини Марямга алмаштиришни таклиф қилган.
Аввалроқ актриса Берлиндан Туркияга нафақат янги иш, балки қизига гўзал мамлакатни кўрсатиш учун ҳам қайтганини маълум қилган. Унинг Туркияда қанчалик узоқ қолиши, суратга олиш ишлари якунига етганидан кейин Германияга қайтиш ёки қайтмаслиги ҳали маълум эмас, аммо актриса ҳозирча ижтимоий тармоқларда Истанбулга қайтганидан хурсандлигини такрорлашдан чарчамаяпти.
Изоҳ (0)