АҚШнинг Орегон штатидаги Яхац шаҳарчасида яшовчи эркак пляжда улкан совун пуфагини шиширишга муваффақ бўлди. Ролик 2020 йилнинг июлида тасвирган олинган, бироқ YouTube’даги ViralHog каналида бир неча кун олдингина пайдо бўлган, деб хабар беради Esquire.
Эркак пуфакни қармоққа ўхшаш иккита мослама ёрдамида шиширган. «Бу менинг деярли тугамайдиган пуфагим. Унинг шаклланишини кузатиш жуда ажойиб эди. У худди ҳеч қачон тугамайдигандек туюлди. Бу каби пуфакни мутлақ идеал шароитда шиширишга муваффақ бўлинди. Ҳарорат, шамол ва намлик — барчаси бунинг амалга ошишига ёрдам берди», — дейди маҳаллий фуқаро.
Бироқ совун пуфакларини шишириш бўйича ҳақиқий уста бошқа инсон ҳисобланади — Dr.U.R.Awesome номи билан танилган америкалик Гари Пирлман. Дунёдаги энг катта пуфаклар борасидаги камида учта рекорд унга тегишли: очиқ ҳавода шиширилган (96,27 метр куб), бино ичида (21,45 метр куб) ва қўллар ёрдамида шиширилган (0,08999 метр куб).
Изоҳ (0)