Ўзбекистонда май ойида қанча енгил автомобиллар ишлаб чиқарилгани маълум қилинди

Ўзбекистонда 2021 йил май ойида 20 807 та енгил автомобиль ишлаб чиқарилган. Бу ҳақда Давлат статистика қўмитаси маълум қилди.

Ўзбекистонда 2021 йилнинг май ойида айрим турдаги саноат маҳсулотларини ишлаб чиқариш ҳажми ҳақида маълумот берилди.

Унга кўра мамлакатда май ойида:

• автомобиль бензини – 87,6 минг тонна;
• кўмир – 409,5 минг тонна;
• нефть ва газ конденсати – 155,4 минг тонна;
• енгил автомобиллар – 20 807 дона;
• автобус – 58 дона;
• юк машинаси – 338 дона;
• поршенли двигателларни ишга тушириш учун қўрғошинли аккумуляторлар – 31,1 минг дона;
• автомобиль двигателлари – 14 478 дона ишлаб чиқарилган.

Бундан аввал Ўзбекистонда январь—май ойларида қайси автомобиль энг кўп ишлаб чиқарилгани ҳамда «Ўзавтосаноат» раҳбари Ўзбекистонда электромобилларни ишлаб чиқаришни бошлаш учун Damas’лар кераклигини айтгани ҳақида хабар берилганди.