Евро—2020. 6 та гол урилган ўйинда Германия Португалияни янчиб ташлади
Футбол бўйича Европа чемпионати гуруҳ босқичи 2-тури доирасида Португалия ва Германия терма жамоалари 19 июнь, шанба куни ўзаро баҳс юритди.
Мюнхен шаҳри мезбонлик қилган ўйинда умумий ҳисобда 6 та гол киритилди. Дастлаб Криштиану Роналду 15-дақиқада жамоасининг қарши ҳужумини голга айлантирганди. Бироқ шундан сўнг Германия кетма-кет 4 марта Португалия дарвозасини ишғол этди. Немисларнинг голларига Кай Ҳаверц ва Робин Гозенс муаллифлик қилган бўлса, яна икки вазиятда португаллар ўз дарвозасини ишғол этиб қўйди. 67-дақиқага келиб эса Диогу Жота Роналдунинг узатмасини голга айлантириб, ҳисобни бир оз бўлса-да қисқартиришга муваффақ бўлди: 2:4.
Гуруҳнинг илк ўйинида Франция ва Венгрия терма жамоалари муроса йўлини танлаганди. 2-турдан кейин F гуруҳидаги ҳолат ва гуруҳ тақвими:
Евро—2020
Гуруҳ босқичи, 2-тур
19 июнь, шанба
Португалия — Германия 2:4
Голлар: 1:0 – 15 Роналду, 1:1 – 35, автогол Рубен Диаш, 1:2 – 39, автогол Геррейру, 1:3 – 51 Ҳаверц, 1:4 – 60 Гозенс, 2:4 – 67 Диогу Жота.Португалия: Руй Патрисиу, Семеду, Рубен Диаш, Пепе, Геррейру, Данилу Перейра, Вильям Карвалью (Рафа Сильва, 58), Бернарду Сильва (Саншеш, 46), Бруну Фернандеш (Моутинью, 64), Диогу Жота (Андре Сильва, 83), Роналду.
Германия: Нойер, Гинтер, Рюдигер, Ҳуммелс (Жан, 63), Гозенс (Ҳалстенберг, 62), Гундўғон (Зюле, 73), Киммих, Ҳаверц (Горетцка, 73), Кроос, Мюллер, Гнабри (Сане, 87).
Огоҳлантиришлар: Ҳаверц (66), Гинтер (77).
