Дания — Финляндия учрашувининг биринчи бўлимида даҳшатли воқеа юз берди. Ҳеч қандай тўқнашувсиз ҳолатда Дания ярим ҳимоячиси Кристиан Эриксен кутилмаганда майдонга йиқилиб тушди.

Ҳаммаси 42-дақиқада юз берди, Кристиан ўнг қанотдан олдинга қараб ҳаракатланаётганди, бир неча қадам ташлагач, мувозанатни йўқотди ва майдонга йиқилди.

Шундан сўнг шифокорлар дарҳол майдонга чақирилди, Дания терма жамоаси шифокорларидан ташқари, реанимация гуруҳи ҳам жалб қилинди. Тиббий ёрдам тўғридан-тўғри майдонда кўрсатилди. Дания терма жамоаси футболчилари тафсилотлар камераларга тушмаслиги учун жонли девор ясади.

Эриксенга дефибриллятор ёрдамида юрак массажи қилинди ва ҳаётга қайтарилди. У касалхонага олиб кетилаётганда ҳушига келганди. Кристиан ҳозир касалхонада ва унинг аҳволи барқарорлашган. У ўзи нафас олмоқда ва гапирмоқда.

Фото: Getty Images

Учрашув аввал тўхтатилганди, кейин эса 13 июнь, якшанба куни давом эттирилиши маълум қилинди.

Ҳаммаси қандай содир бўлганди?

Фото: Reuters

Дарҳол барчаси жиддий экани маълум бўлди ва шифокорлар чақирилди

Фото: Reuters

Унга дастлаб майдонниг ўзида ёрдам кўрсатилди

Фото: Getty Images

Шифокорлар шошилинч равишда майдонга чиқиб, реанимация муолажаларини қўллади, шу жумладан дефибриллятордан ҳам фойдаланилди

Фото: Reuters

Футболчиларнинг юзларида ҳақиқий даҳшатни кўриш мумкин эди. Дания футболчилари тафсилотлар камераларга тушмаслиги учун атрофни жонли девор билан тўсиб қўйди

Фото: Reuters

Финляндия терма жамоаси футболчилари ҳам шок ҳолатига тушиб қолди

Фото: Reuters

Узоқ вақт давом этган муолажалардан сўнг камералардан тўсилган ҳолда шифохонага олиб кетилди

Фото: Reuters

Трибуналардаги мухлислар эса ўзини йиғидан тия олмади

Фото: Reuters

Айнан ўша ерда Кристианнинг рафиқаси ҳам бор эди. У ҳам майдонга тушди. Жамоа сардори Симон Кьер ва дарвозабон Каспер Шмейхель эса уни тинчлантиришга ҳаракат қилди. Ҳақиқий жамоадошлар!

Фото: Reuters

Фото: Reuters

Фото: Reuters

Ҳозирча аниқ нима бўлгани номаълум. Аниғи, Кристиан кислород ниқобида эди. Ва энг муҳими, у кўзини очди.

Бардам бўл, Кристиан!

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!