Ўзбекистон Халқ таълими вазирлиги ва Осиё тараққиёт банки (ОТБ) ўртасида 100 миллион АҚШ долларлик лойиҳани амалга ошириш тўғрисида меморандум имзоланди. Бу ҳақда ХТВ матбуот хизмати хабар берди.
Лойиҳа мактабларда 7−11-синфларда STEM йўналишида таълимни ривожлантиришга қаратилган.
STEM фанлари (Science, Technology, Engineering, Mathematics) бўйича ўқув дастурлари ва дарсликларнинг стандартларини такомиллаштириш, ўқитувчиларни тайёрлаш, мактаблар учун зарур жиҳозларни сотиб олиш, мактаб биноларини таъмирлаш ва таълим технологияларини ривожлантириш режалаштирилмоқда.
Бундан ташқари, лойиҳада Ўзбекистондаги мактабларда ўқувчилар билимини баҳолаш тизимини такомиллаштириш кўзда тутилган.
Лойиҳа 2020−2022 йилларда Ўзбекистонда мамлакат операцияларининг бизнес-режаси, ҳукуматнинг сўнгги ташаббуслари ва Халқ таълими тизимини 2030 йилгача ривожлантириш концепциясига мувофиқ амалга оширилади.
Аввалроқ Ўзбекистондаги ўзга тилли синфларда ўзбек тили чет тили каби ўргатилиши, мамлакатдаги таълим масканларига хорижлик ўқитувчилар жалб қилиниши тўғрисида хабар берилганди.
Изоҳ (0)