Покистон жанубида иккита поезд тўқнашиб кетди, оқибатда 30 киши ҳалок бўлди. Бу ҳақда ARY News маҳаллий портал ҳукуматга таяниб хабар берди. Жабрланганлар ҳам бор, уларнинг сонига аниқлик киритилмаган.
Ҳалокат Синд вилояти Готки шаҳрида иккита темир йўл станцияси оралиғида юз берди. Полиция вакили Усмон Абдулланинг сўзларига кўра, битта поезд рельсдан чиқиб кетган иккинчи поездга бориб урилган. Унинг айтишича, поезд вайроналари остида ҳам одамлар бор.
Воқеа жойига қутқарувчилар ва полиция етиб келган, жабрланганлар касалхоналарга олиб борилган. Тўқнашувга айнан нима сабаб бўлгани ҳозирча номаълум.
Авария юз берган ҳудудда поездлар ҳаракати тўхтатилган.
#Pakistán🇵🇰| #VIDEO Autoridades se encuentra trabajando en el rescate de las víctimas. De momento se estiman un total de 25 personas fallecidas, pero la cifra podría aumentar. #N4V pic.twitter.com/6JAvUtFciY
— Noticias 4Visión (@noticias4vision) June 7, 2021
Эслатиб ўтамиз март охирларида Мисрда иккита йўловчи поездининг ўзаро тўқнашиши оқибатида камида 32 нафар одам ҳалок бўлиб, яна 91 киши турли даражадаги тан жароҳатлари олган эди. Апрель ойида эса Тайваннинг Хуалян уездида йўловчи поезди изидан чиқиб кетиб, 36 киши ҳалок бўлган эди.
Мавзуга доир:
- Мехикода метро кўприги қулаши оқибатида ҳалок бўлганлар сони 23 кишига етди (фото)
- Тайванда поезд рельсдан чиқиб кетди, 36 киши ҳалок бўлди (фото ва видео)
- Мисрда икки поезднинг тўқнашуви оқибатида 30 нафардан зиёд одам ҳалок бўлди (фото ва видео)
- Конго демократик республикасида поезд ҳалокати оқибатида 50 киши ҳалок бўлди
Изоҳ (0)