Pokiston janubida ikkita poyezd to‘qnashib ketdi, oqibatda 30 kishi halok bo‘ldi. Bu haqda ARY News mahalliy portal hukumatga tayanib xabar berdi. Jabrlanganlar ham bor, ularning soniga aniqlik kiritilmagan.
Halokat Sind viloyati Gotki shahrida ikkita temiryo‘l stansiyasi oralig‘ida yuz berdi. Politsiya vakili Usmon Abdullaning so‘zlariga ko‘ra, bitta poyezd relsdan chiqib ketgan ikkinchi poyezdga borib urilgan. Uning aytishicha, poyezd vayronalari ostida ham odamlar bor.
Voqea joyiga qutqaruvchilar va politsiya yetib kelgan, jabrlanganlar kasalxonalarga olib borilgan. To‘qnashuvga aynan nima sabab bo‘lgani hozircha noma’lum.
Avariya yuz bergan hududda poyezdlar harakati to‘xtatilgan.
#Pakistán🇵🇰| #VIDEO Autoridades se encuentra trabajando en el rescate de las víctimas. De momento se estiman un total de 25 personas fallecidas, pero la cifra podría aumentar. #N4V pic.twitter.com/6JAvUtFciY
— Noticias 4Visión (@noticias4vision) June 7, 2021
Eslatib o‘tamiz mart oxirlarida Misrda ikkita yo‘lovchi poyezdining o‘zaro to‘qnashishi oqibatida kamida 32 nafar odam halok bo‘lib, yana 91 kishi turli darajadagi tan jarohatlari olgan edi. Aprel oyida esa Tayvanning Xualyan uyezdida yo‘lovchi poyezdi izidan chiqib ketib, 36 kishi halok bo‘lgan edi.
Mavzuga doir:
- Mexikoda metro ko‘prigi qulashi oqibatida halok bo‘lganlar soni 23 kishiga yetdi (foto)
- Tayvanda poyezd relsdan chiqib ketdi, 36 kishi halok bo‘ldi (foto va video)
- Misrda ikki poyezdning to‘qnashuvi oqibatida 30 nafardan ziyod odam halok bo‘ldi (foto va video)
- Kongo demokratik respublikasida poyezd halokati oqibatida 50 kishi halok bo‘ldi
Izoh (0)