Ташлашга ошиқманг: Сабзавот ва меваларнинг пўстидан қандай мақсадларда фойдаланса бўлади?

Мева ва сабзавотларнинг пўстини артгандан кейин ташлаб юборишга шошманг. Улардан кундалик турмушда фойдаланиш ва натижадан қувониш мумкин.

Авокадо

Авокадони ичини ўйиб олиб ташқи томонини қуритиб қўйиш ҳамда баҳорда униб чиқадиган гул кўчатини солиб қўядиган идиш сифатида ишлатиш мумкин. Ниҳолларнинг ўсиш жараёни ҳамда уларни тупроққа эккандан сўнг, мазкур биологик парчаланадиган материал илдизларини антиоксидантлар, фойдали витаминлар ва минераллар билан озиқлантиради.

Лимон

Майдаланган лимон пўстини 10-15 дақиқа қайнатиб, ванна ёки раковинадаги қопланган «караш»ларни кетказишда ишлатинг. Лимонли кислота яхши самара берганидан кейин устидан оддий идиш ювадиган восита билан артиб ташласангиз бўлади.

Апельсин

Апельсин пўстлоғидан тишларни оқартиришда фойдаланса бўлади. Мева кислотаси тишларни оппоқ кўринишига ёрдам беради. Кислота қолдиғи кетиши учун тишларни паста билан ювиб ташланг.

Банан

Банан пўсти табиий чармдан тикилган пойабзалларни ялтиратиш хусусиятига эга. Ҳамма гап мазкур мева таркибида калийнинг бисёр эканида. Бунинг учун туфли устини банан пўсти билан кейин эса устидан тоза латта билан артиб ташлаш керак.

Грэйпфрут

Грэйпфрут антиоксидант ва клетчаткаларга бой маҳсулот саналади. Уни мунтазам равишда истеъмол қилиш холестеринни камайтиради, гипертония билан курашиб, иммунитетни мустаҳкамлайди. Унинг пўстида ўзидан кам бўлмаган фойдали витаминлар мужассам бўлади. Шу сабабли ундан шифобахш чой, организмни тозалайдиган дамлама тайёрласа бўлади. Бунинг учун майда тўғралган пўстлоқ устига қайноқ сув қуйиш ва 15 дақиқадан кейин асал қўшса кифоя.

Шафтоли

Шафтоли косметологлар учун энг яхши маҳсулотлардан бири ҳисобланади. Таркибида магний, темир, асал, рух ва органик кислота бўлган шафтолининг пўсти теридаги қора нуқталар ва ўлик эпидермис ҳужайраларини йўқ қилишга ёрдам беради.

Бодринг

Уйингизга чумолилар кирмаслиги учун бодрингнинг артилган пўчоғини қолдиринг. Эртаси куни кўнгилдагидек натижага гувоҳ бўласиз.

Сабзи

Сабзи терини ёш кўрсатадиган антиоксидант, намлантириб озиқлантирадиган ретинол ва яллиғланишга қарши яхши самара берадиган А витамининг кони бўлади. Терининг қариши ва ажин тушишини олдини олиш учун ушбу сабзавот пўстини терига қўйиш тавсия қилинади. Ҳафта давомида бир неча марта такрорланганидан кейин ижобий натижа сезила бошлайди.

Картошка

Кўз остидаги ҳалқалардан қутилиш учун картошка яхши самара беради. 10 дақиқага картошка пўсти қўйилганда ушбу маҳсулот таркибидаги энзим катехолаза терини таранглаштиради.

Олма

Олманинг пўстидан жуда ҳам мазали джем тайёрласа бўлади. Бунинг учун лимон, сув ва шакар ҳам керак бўлади.