Ўзбекистон Президенти Шавкат Мирзиёев «Соғлиқни сақлаш соҳасини комплекс ривожлантиришга доир қўшимча чора-тадбирлар тўғрисида»ги қарорни имзолади.
Қарорга кўра, оналар ва болалар, репродуктив ёшдаги аёллар саломатлигини таъминлаш учун зарур дори ва тиббиёт воситалари (C витамин, сурфактант ва бошқалар) билан қўшимча таъминлаш учун давлат бюджетидан 2021 йилда 26 миллиард сўм ажратилиши, 2022 йилдан бошлаб эса ушбу харажатлар учун зарур маблағларни давлат бюджети параметрларида кўзда тутиш белгиланди.
Шунингдек, болалар тиббиёт ва туғруқ муассасаларида юқори технологик лаборатор ускуналаридан тўлақонли ва самарали фойдаланиш мақсадида 2022 йилдан бошлаб давлат бюджетидан реактив, реагентлар, сарфлов анжомлари ҳамда сервис хизматлар учун қўшимча 8 миллиард сўм ажратилади.
Қарор билан, шунингдек, 2021 йил 1 августдан бошлаб Қорақалпоғистон Республикаси, вилоятлар ва Тошкент шаҳрида перинатал ва скрининг марказлари ҳамда бирламчи тиббий-санитария муассасаларидаги оналар ва болалар саломатлигига масъул тузилмалар («Аёллар маслаҳатхонаси», перинатал скрининг хонаси, «тиббиёт бригадалари» таркибидаги оилавий шифокор, педиатр ва бошқалар)нинг ҳомиладор аёлни комплекс кузатуви бўйича қуйидаги чора-тадбирларни назарда тутувчи ўзаро ҳамкорлик ва мувофиқлаштирилишини таъминловчи ягона тизим жорий этилади:
- ҳомиладор аёлнинг комплекс кузатуви ягона маълумотлар базасини яратиш;
- перинатал ва скрининг марказлари ҳамда бирламчи тиббий-санитария муассасаларидаги оналар ва болалар саломатлигига масъул тузилмалар томонидан ягона маълумотлар базасига зарур маълумотларни киритиш, шунингдек, ҳомиладор аёлларнинг тиббий картасини юритиш;
- шаклланган маълумотларга асосан ҳомиладор аёлларга зарур маслаҳатларни бериш.
Эслатиб ўтамиз, Сенатнинг Суд-ҳуқуқ масалалари ва
Қўмита раисининг маълум қилишича, Ўзбекистонда репродуктив саломатликни, оналик ва болаликни муҳофаза қилишга оид қонун ҳужжатлари ижросини таъминлашдаги камчиликлар оқибатида 2019 йилга нисбатан гўдаклар ўлими 428 тага (2019 йилда 6432 та, 2020 йилда эса 6860 та), оналар ўлими 10 тага (145—155) ошган.
Шунингдек, Сурхондарёда 2020 йилда оналар ва болалар ўлими сони ошгани ҳам қайд этилган. Хусусан, Сурхондарё вилоятида яшовчи қарийб 2,7 миллион нафар аҳолининг 900 минг нафарга яқини ёки 33,2 фоизини вояга етмаганлар, 600 минг нафардан ортиғини туғиш ёшидаги аёллар ташкил этади. 2020 йил давомида жами 35 та (2019 йил 16 та) оналар ўлими қайд этилган бўлиб, 2019 йилнинг шу даврига нисбатан 19 тага кўпайган. Шунингдек, болалар ўлими даражаси 2020 йил давомида 586 тани ташкил қилган бўлса, бу кўрсаткич олдинги йилларга нисбатан камаймаган.
Изоҳ (0)